Read Zokam Phatna-late 56 Bible Online

Phatna-late 56 - Zokam bible

Phatna-late 56

¹Tumtheih makaipa ading. "Tawsaw tunga Vakhu ham galzak" aw in. David phuah. b[100] khat. Philistia-te in Gath ah amah a mat hun lai. Pasian aw, mite in lungsosa in kei hong delh uh ahi manin kei hong lainat in; sun nilohin hong nehcipin hong sim uh hi.

²Kei hong gensiate in sun nilohin hong nung zuihzuih uh a; mi tampi in kiphasakin hong simsim uh hi.

³Ka lau ciangin nang kong muang ding hi.

⁴A thu ka phat Pasian, ka muan Pasian ahi hi; ka lau kei ding hi. Mihing lel in kei bang hong cih zo ding hiam?

⁵Sun nilohin ka thugente lehlak uh a; amaute in hong nasak dingin sawmsim tawntung uh hi.

⁶Amaute in hong pangin hong buksim uh a, ka kalsuanna encikin ka nuntakna lak ding lawp uh hi.

⁷A thu om loin suaktasak kei in; Pasian aw, na heh sungin minamte niamkhiat in.

⁸Ka tamlawhna ciamteh in; nangma laizial c[101] tungah ka khituite gual in - na ciamtehnasa ah a om hiam?

⁹Tua ciang hong huh dinga kong sap ciangin ka galte a lehtai ding uh hi. Pasian kei aa ahilam hih tawh ka thei ding hi.

¹⁰A thu ka phat Pasian, a thu ka phat TOPA sung -

¹¹keima muan Pasian sungah; ka lau kei ding hi. Mi in kei bang hong cih thei ding ahi hiam?

¹²Pasian aw, nang tunga kiciamnate nuai ah ka om hi; keima lungdamkoh biaknate nang kong pia ding hi.

¹³Ahang in, sihna panin kei a[102] nong hukhia a, Pasian mai nuntakna b[103] khuavak sungah ka pai theih nadingin ka khete na kipaltuksak kei hi.