Read Zokam Phatna-late 57 Bible Online

Phatna-late 57 - Zokam bible

Phatna-late 57

¹Tumtheih makaipa ading. "Susia kei in" cih aw a sak ding. David phuah. c[104] khat. Saul kiang pan suanghawm sunga a taikhiat lai. Kei hong lainat in Pasian aw, kei hong lainat in; ka hinna in nang hong bel hi; vangsiatna a bei mateng na khate liim sung kong beel ding hi.

²Sang Pen Pasian, kei adingin ama hoihsak banga a tangtungsak Pasian’ tungah ka kiko hi.

³Amah in van pan sawlin kei hong honkhia a, lungso-a kei hong delhte a taihilh hi; Pasian in ama itna le a muanhuaina hong sawl hi.

⁴Humpinelkaite laizangah ka om a; a hate uh teipite le thalthangte ahi, a leiite uh namsau hiamte ahi mi - gamsa gilkialte lakah ka lum hi.

⁵Pasian aw, vante tunglam ah kitawisang inla, leitung khempeuh tungah na min thangsak in.

⁶Ka khe lenthang siah uh a - lungdongin ka boksuk hi. Amaute in ka lampi ah gum to uh a - ahi hangin amau mah a sungah kia uh hi.

⁷Ka lungkip hi, Pasian aw, ka lung a kip hi; la ka sa dinga, ka gingsak ding hi.

⁸Ka hinna aw khanglo in! Harp le lyre aw khanglo dih un! Phalvak ka phong ding hi.

⁹Topa aw, minamte lakah nang kong phat dinga; mite lakah nang, la kong sak ding hi.

¹⁰Ahang in, na itna lian in vante ban a; na muanhuaina in huihkhuate a ban hi.

¹¹Pasian aw, vante tunglam ah kitawisang inla; leitung khempeuh tungah na min thangsak in.