Read Zokam Phatna-late 58 Bible Online

Phatna-late 58 - Zokam bible

Phatna-late 58

¹Tumtheih makaipa ading. "Susia kei in" cih aw a sak ding. David phuah. d[105] khat. No gam-ukte, tangtakin na pau uh hiam? Mite lakah tangtakin thu na khen uh hiam?

²Hi kei, na lungsimun thutang lo na sawm uh a, na khutte un leitung ah ngongtatna a tehkhia hi.

³Migilote a suahtung nangawnun lam khialsa hi uh a, naubu sung panin uklah hi-in zuauthu a gen uh hi.

⁴Amaute’ gu pen gul’ gu tawh kibanga, a zolpa siam mahmah taleh

⁵a khimna aw a thusim loin a za lo kineih mualtan’ gu tawh kibang hi.

⁶Pasian aw, amaute kama a hate uh suktansak inla; TOPA aw, humpinelkai uihate totkhiatsak ve!

⁷Tui luangmang bangin amaute mangthang uh hen; a thalpeu uh a kek uh ciangin a thaltangte uh kimawlsak hen.

⁸A paikawmun a tuimang dokdawn bang leh naungek lamhzui bangin ni mu kei uh hen.

⁹Na beelte in lingkung kuangte a satna a phawk ma-in migilote a hing a keu-in a kiphiatmang e[106] ding hi.

¹⁰Amaute’ phu a kilak ciang, migilote sisan sungah a khe uh a sil uh ciangin a thumaante kipak ding uh hi.

¹¹Tua ciangin mite in, "A thumaante pahtakman kipia lai takpi; leitung thu a khen Pasian khat om takpi," ci ding uh hi.