Read Zokam Phatna-late 6 Bible Online

Phatna-late 6 - Zokam bible

Phatna-late 6

¹Tumtheih makaipa ading. Khauzang kivawh tumtheih tawh a[11] banga kitum. David phatna-la khat. TOPA aw, hehsa in hong taihilh kei inla, thangpaisa in zong hong sek kei in.

²Ka tha zawm ahi manin TOPA, kei hong lainat inla; ka guhte na ahi manin TOPA aw, hong damsak in.

³Ka hinna gim mahmah hi. Bangtan sawt lai ding hiam, TOPA aw, bangtan sawt lai ding hiam?

⁴TOPA aw, hong kihei inla hong hukhia in, na itna kip hangin kei hong honkhia in.

⁵A sisa-a nang hong phawk khat beek a om kei hi. Kua in a hankhuk b[12] panin nang hong phat ahi hiam?

⁶Ka tautauna-in ka pat ngi-ngei hi; zan thapai-in ka kahna in ka lupna kidiah a, khitui-in ka delhphah a tuum hi.

⁷Dahna hangin ka mit ngui a; ka galte khempeuh hangin ka mit a mial hi.

⁸No migilote khempeuh aw, TOPA in ka kahkahna hong za ta ahi manin, kei kiang pan kihemkhia un.

⁹TOPA in hong lainat ding ka ngetna hong za zo hi; TOPA in ka thungetna hong sang hi.

¹⁰Ka galte khempeuh maizumin, lungmang ding uh a; amaute thakhatin mai mawlsa-in kilehhei ding uh hi.