Read Zokam Phatna-late 60 Bible Online

Phatna-late 60 - Zokam bible

Phatna-late 60

¹Tumtheih makaipa ading. "Unok thukhun aw" a sak ding, David b[109] khat. Kihilh nading Aram, Naharaim c[110] le Aram Zobah d[111] a do lai le Joab a ciah dinga Ci Kuam ah Edom-te tul sawm le tulnih a sattuk hun lai-a. Pasian aw, kote hong nialin nong sukham khin a; na heh khin hi - tu in kote ka ngei uh hong bangsak kik in!

²Lei lokin na khangkhamsak hi; lingling ahi manin a khaannate kicihsak kik in.

³Na mite hunsiate na lak khin a; kote hong hoisak lenggahzu nong pia zo hi.

⁴Ahi hangin nang hong kihtate langah thal a kikek loh nadingin dialkhai na laamto khin hi.

⁵Na itte a kihutkhiat theih nadingin na taklam khutin kote hong huhin hong honkhia in.

⁶Pasian in ama mun siangtho panin: "Gualzo-in Shechem ka phelkham dinga, Sucoth Kuam ka tehkhia ding hi.

⁷Gilead kei aa hi-a, Manasseh kei aa ahi hi; Ephraim ka sik lukhu hi-a, Judah ka sik ciangkhut ahi hi.

⁸Moab ka kisilna tuikuangpi hi-a, Edom tungah ka khedap kaih ka sing a, Philistia tungah gualzo in ka kiko hi," ci-in gen khin hi.

⁹Kua in khuapi muanhuai ah kei hong puak ding ahi hiam? Kua in Edom ah hong pi ding hiam?

¹⁰Pasian aw, kote hong nolh a, ka galkapte uh a kuanpih nawn lo nang hi lo na hi hiam?

¹¹Mihingte huhna in man nei lo ahi manin, galte langah huhna hong pia in.

¹²Pasian tawh eite i gualzo dinga, amah in i galte a tuancil ding hi.