Read Zokam Phatna-late 61 Bible Online

Phatna-late 61 - Zokam bible

Phatna-late 61

¹Tumtheih makaipa ading. Khausai tumtheih a sak. David phuah. Pasian aw, ka kikona hong za in; kong thungetna hong ngai in.

²Leimongte panin nang kong sam a, lungsim zawmsa in nang kong sam hi; kei sanga sangzaw suangpi kiangah hong pi in.

³Keima bukna nang na hi-a, ka galte langkhatah tausang muanhuai na hi hi.

⁴Nangma puanbuk sungah ka teng tawntung nuam a, nangma khate liim ka beel nuam hi.

⁵Keima kiciamnate na za khin hi Pasian aw; na min a kihtate’ goutanh keimah nong pia khin hi.

⁶Khang tampite adingin kumpite’ nuntak hun le kumte sotto in.

⁷Pasian omna ah amah om den dingin na itna le na muanhuaina amah dalsak in.

⁸Tua ciangin nisimin ka thuciamnate tangtunin na minphatna la ka sa tawntung ding hi.