Read Zokam Phatna-late 65 Bible Online

Phatna-late 65 - Zokam bible

Phatna-late 65

¹Tumtheih makaipa ading. David phuah phatna-la khat. La khat. Pasian aw, phatna in Zion ah nang hong ngak b[114] hi; nang tunga ka kiciamnate uh ka tangtungsak ding uh hi.

²Nang, thungetna a zapa aw, mi khempeuh nang kiangah hong pai ding hi.

³Mawhnate in ko hong pumtuam ciangin ka tatkhialhnate uh nong maisak c[115] hi.

⁴Na teel mipa le nangma huangte sungah teng dinga nang hong naihte thupha ngah hi ei! Na inn, nangma biakinnpi siangtho a na hoihte tawh ka kidim uh hi.

⁵Kote’ Honpa Pasian aw, nang in leitung mongte le a gamla pen tuipi mong dong in hong lamet,

⁶na vangliatna tawh mualliante bawl a, nang le nang thahatna kithuam pa,

⁷tuipi hawk lai le tuihual hawkte a daisakpa, minamte pumbuaina a daisakpa in a lauhuai thumaana na nasepna-in ko nong dawng hi.

⁸Gamlapi-a tengte in na nalamdang bawlte kihta uh a; zingsang phalvaknate le nitak khuamuinate ah nuamna late na gingkhiasak hi.

⁹Leitung donin tui na buak a; tampitak na kibehlapsak hi. Mihingte an na sik nadingin Pasian luite tui dim a, tua d[116] lah nangma kipsak ahi hi.

¹⁰Lo leisaite na kawtsak a, a vumte na maihtam hi; khuapi guahin na nipsak a, ankungte thupha na pia hi.

¹¹Na cihtheihna kum na khusak a, na lengte tampitak a dimlet hi.

¹²Sehnel-gam lopa tawh kidimlet a; mualneute in lungdamna a silh uh hi.

¹³Lono munte tuuhon in tuam a, kuamte zong anin na tuam hi; amaute nuam uh a, kikoin la a sa uh hi.