Read Zokam Phatna-late 67 Bible Online

Phatna-late 67 - Zokam bible

Phatna-late 67

¹Tumtheih makaipa ading. Khausai thumtheih a sak. Phatna-la khat. La khat. Pasian in ei hong hehpihin eite thupha hong pia henla, ei tungah ama mai hong tangsak hen;

²tua hileh leitung ah na lampite kithei-in minam khempeuh lakah na hotkhiatna kithei ding hi.

³Mite in nang hong phat uh hen, Pasian aw; mite khempeuh in nang hong phat uh hen.

⁴Thutangin mite na uk a, leitunga mite makaih na hi manin minamte nuamin la sa uh hen.

⁵Mite in nang hong phat uh hen, Pasian aw; mite khempeuh in nang hong phat uh hen.

⁶Tua ciangin leitang in an lak ding gah dinga, Pasian, eite Pasian in thupha hong pia ding hi.

⁷Pasian in eite thupha hong pia dinga, leimong khempeuh dong in amah kihta ding uh hi.