Read Zokam Phatna-late 68 Bible Online

Phatna-late 68 - Zokam bible

Phatna-late 68

¹Tumtheih makaipa ading. David phuah. Phatna-la khat. La khat. Pasian tho henla, ama galte kithehthang hen; ama mai-ah a galte taikek uh hen.

²Huih in meikhu a mutmang bangin amaute mutmang in; mei mai-ah khuainun a tui bangin, Pasian mai-ah migilote mangthang uh hen.

³Ahi hangin Pasian mai-ah a thumaante nuamin kipak uh hen; amaute lungdamin nuam uh hen.

⁴Pasian la sak unla ama minphatna la sa un; meii tunga a[117] tuangpa tawisang un - ama min TOPA ahi hi - ama mai-ah kipak un.

⁵Amah a tenna siangtho-a om, pa nei lote adingin pa, meigongte hupa Pasian ahi hi.

⁶Pasian in a tangsamte innkuan b[118] guan a, thongkiate lasa kawmin a pusuaksak hi; ahi hangin a lehdote nisa katkeuna gamah a tengsak hi.

⁷Pasian aw, na mite’ mai ah na paikhiat ciang, gam simtham nawka na paikhiat ciangin

⁸lei ling a, vante in Pasian, Sinai-a Pa mai, Pasian, Israel Pasian mai-ah guahtui a buak uh hi.

⁹Pasian aw, nang guahtui kicingtakin nong pia a, na gouluah a vulsa na nosuaksak hi.

¹⁰Na mite tua lai-ah teng uh a Pasian aw, na kicinna panin mizawngte na sik hi.

¹¹Topa in thu phuang khia-in, a tangko mihon tam mahmah a;

¹²"Kumpite le galkapte nawhsa-in taikek uh a; giahphualah mite in van nusiat hawm uh hi.

¹³Giahbuk-meiphual a[119] lakah na lup lai nangawnun ka vakhu khate nguna luan le amul atee khama luan bang na hi uh hi."

¹⁴Thahatpenpa b[120] in gam sungah kumpite a thehzak lai-in Zalmon tunga vuk kia tawh kibang hi.

¹⁵Bashan mualte mualdung thupi vive hi-a; Bashan mualte mual kuipipi ahi hi.

¹⁶Mualkuipite aw, bang hangin Pasian in a ukna mun dinga a teel, TOPA mahmah a ten tawntung nading mun engin en na hi uh hiam?

¹⁷Pasian sakolleng tulsawm tampite le tul mun tul tampite hi-a; Sinai panin a mun siangtho sungah Topa hong pai khin hi.

¹⁸A sangna mun ah na kahtoh lai-in na matte na tonpih diudeu a; mite tung pan letsong ngah in, a lehdote pan c[121] nangawnin na ngah hi - tua in TOPA Pasian aw, tua lai-ah na d[122] ten theih nading ahi hi.

¹⁹Nisimin i vangikte hong puaksak eite’ Honpa Pasian, Topa kiphat ta hen.

²⁰Eite’ Pasian, a honkhia Pasian hi a, Thuneipipen TOPA panin sihna pana suahtakna hong tung ahi hi.

²¹Pasian in a galte lutangte, mawhna-a zongsangte’ sampha neunau lukhute, a suzan taktak ding hi.

²²Topa in, "Bashan panin amaute ka la dinga; tuipi thukte panin amaute ka lakhia ding hi,

²³tua in note in na galte uh sisan sung ah na khe uh diahin na uite un liah ding a neih theih nading ahi hi," a ci hi.

²⁴Pasian aw, ahona na pai kimu a, ka Pasian le ka Kumpi mun siangtho sungah ahona na pai kimu ta hi.

²⁵Lasate masa uh a, tumtheih tumte in zui-in; amaute tawh nungakte in khuangtate a tum uh hi.

²⁶Mipi tampi kikhopna ah Pasian phat unla; Israel mihonte kikhopna ah TOPA phat un.

²⁷Tua lai-ah Benjamin namneu in amaute makaih a, tua lai-ah Judah ulian honpi le Zebulun le Naphtali kumpitapate a om uh hi.

²⁸Pasian aw, na vangliatna suah inla e[123]; na hihsa bangin na thahatna hong lak in Pasian aw.

²⁹Jerusalem a na biakinnpi hangin kumpite in nang letsong hong puak ding uh hi.

³⁰Pumpeng laka gamsate le minamte’ bawngnote laka bawngtal honte taihilh in. Niamkhiat inla ngun tawnte hong puak uh hen. Gal kido nuam a sa minamte thehthang in.

³¹Egypt-te panin palaite hong pai ding uh a; Cush f[124] amah le amah Pasian tungah ki-ap ding hi.

³²Leitung kumpi-gamte aw, Pasian la sak un, Topa phatin la sa un;

³³tanglai huihkhuate tunga tuangpa aw lianpi a gingkhia sakpa phat un.

³⁴Pasian vangliatna tangko un, Israel-te tungah amah thupi a, huihkhuate tungah ama vangliatna a om hi.

³⁵Pasian aw, na munsiangtho ah nang na lipkhaphuai a; Israel Pasian in a mite vangliatna le thahatna a pia hi. Pasian kiphat hen!