Read Zokam Phatna-late 7 Bible Online

Phatna-late 7 - Zokam bible

Phatna-late 7

¹Benjamin-te Cush tawh kisai-a David in TOPA a sak c[13] khat. Keima Pasian TOPA aw, nang kong beel hi; kei hong delhte khempeuh panin hong honin hong hukhia in,

²tua hi kei leh humpinelkai bangin kei hong balkhamin, kuama hut lohin hong balnen ding uh hi.

³Keima Pasian, TOPA aw, hih bangin ka hih leh, ka khut in khialhna a bawla -

⁴kei tawh a kilem mipa tungah gitlohna a bawl ka hih a, a thu om lopi-in ka galpa na a sut ka hi leh

⁵gal in hong delhin hong pha henla; ka nuntakna lei lakah tuancilin, leivui lakah kei hong lumsak hen.

⁶TOPA aw, hehsa-in tho in; ka galte lungsona langah hong dingin. Ka Pasian aw, khanglo inla thutangin thukip bawl in.

⁷Mipi honpi na kimkot ah kikhawmsak in. A sangna panin amaute uk in;

⁸mite tungah TOPA thukhensak in. TOPA aw, ka thumaanna, ka lungsim cihtakna tawh kizui-in thu hong khen in, Sang Penpa aw.

⁹A thumaan Pasian, lungsim le ngaihsutnate a zongpa aw, migilote ngongtatnate beisakin a thumaante bitsak in.

¹⁰A Sang Pen Pasian keima lum d[14] hi-a, lungsima dingtangte honpa ahi hi.

¹¹Thumaan a thukhen Pasian hi-a, nisimin a thangpaihna a langsakpa Pasian ahi hi.

¹²Amah a lunghei kei leh ama e[15] namsau tathiam dinga; a thalpeu kuai-in a thalkhau a kek ding hi.

¹³Amah in sihtheihna galhiamte bawlsa-in nei a, a mei thaltangte a baihsa-in koih hi.

¹⁴Gitlohna tawh gaii a, lunghimawhna a paii mipa in a hi lopi a hingkhia hi.

¹⁵Lei luakkhia a kawhawm a to mipa, ama bawlsa gum sungah a kia hi.

¹⁶Ama piansak lunghimawhna amahmah tungah leh tuk hi; ama ngongtatna ama lutung ah tu hi.

¹⁷TOPA a thumaanna hangin ama tungah lungdamna ka ko dinga, Sang Pen TOPA minphatna ka sa ding hi.