Read Zokam Phatna-late 70 Bible Online

Phatna-late 70 - Zokam bible

Phatna-late 70

¹Tumtheih makaipa ading David phuah. Ngetna khat. Pasian aw, kei hong honkhia meng in; TOPA aw, kei hong huh dingin hong pai meng in.

²Ka nuntakna hong zongte maizum uh henla buaigawp uh hen; kei siat nading a deihte khempeuh zahlakin kilehsak kik in.

³Kei tungah, "Awi bek si’ng! Awi bek si’ng!" hong cite maizumin kilehkiksak in.

⁴Ahi hangin nang hong zongte khempeuh nang sungah lungnuamin kipak uh hen; na hotkhiatna a itte in, "Pasian kitawisang hen!" ci den uh hen.

⁵Tua hi napi, kei zawngin ka tasam hi; Pasian aw, ka kiangah hong paimeng in. Kei hong huhpa le hong hukhiapa na hi hi; TOPA aw, ziakai kei in.