Read Zokam Phatna-late 76 Bible Online

Phatna-late 76 - Zokam bible

Phatna-late 76

¹Tumtheih makaipa ading. Khausai tumtheih a sak. Asaph phuah phatna-la khat. La khat. Judah ah Pasian kithei kim a; Israel ah ama min lian mahmah hi.

²Salem ah a puanbuk om a, Zion ah a tenna mun a om hi.

³Amah in tua lai ah thaltang lenglaite, lumte le namsaute, galhiamte a kuaitan hi.

⁴Nang khuavak tawh na tee siasua a, sabetna a hau mualliante sangin na thupi zaw hi.

⁵Lungtangphate’ neihsa kilaksakin, a lup tawpna uhah lum uh hi; galhangte khat beek in a khut a liik thei kei uh hi.

⁶Jacob Pasian aw, nang na tai-a sakol le sakollengte khawlcip hi.

⁷Nangmah bek kihtak ding na hi hi. Na heh ciangin na mai ah kua ding thei ding hiam?

⁸Vantung panin thukhenna na genkhia a leitung lau-in dai khipkhep hi -

⁹Pasian aw, leitung ah a thuaksiate hon dinga thukhen dingin na din ciangin leitung lau-in a dai hi.

¹⁰Mihingte tunga na thangpaihna in nang hong phatsak taktak a, na thangpaihna a thuakzo a[134] teng na kem hi.

¹¹TOPA na Pasian tungah note kiciam unla tangtun un. Na gamvengte khempeuh un kihtak ding Pa tungah letsong puak uh hen.

¹²Amah in gam-ukte’ lungsimtesukham a, leitung kumpite in amah a kihta uh hi.