Read Zokam Phatna-late 82 Bible Online

Phatna-late 82 - Zokam bible

Phatna-late 82

¹Asaph phuah phatna-la khat. Mihonpi kikhopna ah Pasian mapi a; "pasiante" lakah thu khen in:

²"Nang a[141] bang tanvei thutang lo panpih in, migilote panpih lai ding na hi hiam?

³Mi thanemte le pa nei lote gum unla; mizawngte le a kinengniamte hamphatna hutsak un.

⁴Mi thanemte le a tasamte hu unla; migilote’ khut panin hukhia un.

⁵"Amaute in bangmah thei loin, bangmah a theitel kei uh hi. Amaute khuamial lakah vak kawikawi uh a; leitung bulpite khempeuh a kilok hi.

⁶"Ke’n, ‘Note "pasiante" na hi uh hi; note khempeuh Sang Penpa’ tapate na hi uh hi’ kong ci hi.

⁷Ahi hangin mi mawkmawk bangin na si ding uh hi; gam-uk dang khatpeuh bangin na puk ding uh hi," a ci hi.

⁸Pasian aw, tho in minamte khempeuh nangma gouluah ahi manin leitung thu khen in.