Read Zokam Phatna-late 83 Bible Online

Phatna-late 83 - Zokam bible

Phatna-late 83

¹La khat. Asaph phuah phatna-la khat. Pasian aw, dai dide kei in; kamsim kei inla Pasian aw, sip dide kei in.

²Na galte kitomtomin a lu uh a dak gakgak lam mu in.

³Amaute in zuau siamna tawh na mite sawmsim uh a; na pahtakte a sawmsim uh hi.

⁴Amaute in, "Hong pai un, Israel min a kiphawkkha nawn lo dingin minam ahina uh beisak ni," kici uh hi.

⁵Amaute in lungsim kikhatin sawmsim khawm uh a, na langah kizop-khawmna khat bawlin -

⁶Edom puanbukte le Ishmael-te, Moab le Hagar suante,

⁷Gebal, b[142] Ammon le Amalek, Philistia-te, Tyre mite tawh ahi uh hi.

⁸Asyria-te nangawn in Lot suante a hatna khelsakin amaute a pawl uh hi.

⁹Midian-te tung le Kishon guna Sisera le Jabin tunga na hih bangin amaute tungah hih in.

¹⁰Leilak a ek bangin tuate Endor ah mangthang uh hi.

¹¹Amau uliante Oreb le Zeeb bangsak in, a kumpitapate khempeuh Zebah le Zalmunna bangsak inla,

¹²amaute in, "Pasian’ lonona gamte ei neih dingin la ni," ci sak in.

¹³Ka Pasian aw, amaute nahpa leng bangsak inla, huih mut buhsi leng bangsak in.

¹⁴Mei in tulak a kattum bang le mei in peh a mualte a kuan bangin,

¹⁵na pingpei-in amaute nungdelh inla, na khuapi huihin amaute lausak in.

¹⁶Mihingte in na min a zon nadingun a mai uh zumna-in tuam in, TOPA aw.

¹⁷Amaute maizumin cimawh uh henla; maimawlin mangthang uh hen.

¹⁸Na min TOPA hi-a - leitung khempeuh ah nang bek Sang Penpa na hilam amaute theisak in.