Read Zokam Phatna-late 86 Bible Online

Phatna-late 86 - Zokam bible

Phatna-late 86

¹David thungetna khat. TOPA aw, zawngin ka tasam hi, hong za inla hong dawng in.

²Nang tungah hong ki-ap ka hi manin ka nuntakna hong cing in. Nang ka Pasian na hi hi; nangmah hong muang na nasempa hong honkhia in.

³Topa aw, sun nilohin nang hong sam ka hi manin kei hong lainat in.

⁴Topa aw, ka hinna nang tungah hong laamto ka hi manin na nasempa lungnopna hong puak in.

⁵Topa aw, nang hoihin mawhna na maisak a, nang hong samte khempeuh tungah itna kicing na nei hi.

⁶TOPA aw, kong thungetna hong za in; nong lainat dinga kong kikona na ngai in.

⁷Kei hong dawng ding na hi manin ka lungkham ni-in nang kong sam ding hi.

⁸Topa aw, pasiante lakah nang tawh a kibang khat beek om lo a; na hihsate tehpih theih a om kei hi.

⁹Topa aw, nangma bawlsa minamte khempeuh hong pai-in na mai-ah hong bia ding uh hi; na min a thangsak ding uh hi.

¹⁰Ahang in nang lianin a piandang nate na bawl a; nang bek Pasian na hi hi.

¹¹TOPA aw, na lampi hong hilh in; na thutak ah ka kalsuan ding hi; na min ka kihtak theih nadingin aka lo lungsim hong guan in.

¹²Topa keima Pasian aw, ka lungsim neihzahin nang kong phat dinga; na min ka thangsak tawntung ding hi.

¹³Ahang in kei tungah na itna lian mahmah a; han thukte a[146] panin ka hinna nong hukhia khin hi.

¹⁴Pasian aw, nangmah hong thusim lo - mi kiphasakte in kei hong sim uh hi; mi gamhtat hon khat in ka nuntakna zong uh hi.

¹⁵Ahi hangin Topa aw, nang a khuatuah thei le a hehpih siam, heh baih loin, itna le muanhuaina dim Pasian na hi hi.

¹⁶Kei lam hong nga-in hong lainat inla; na nasempa nangma thahatna hong guan-in na nasemnu b[147] tapa honkhia in.

¹⁷TOPA aw, nang in kei hong huhin hong hehnem khin na hi manin ka galte in mu a, a maizum nadingun na hoihna lim khat kei hong pia in.