Read Zokam Phatna-late 87 Bible Online

Phatna-late 87 - Zokam bible

Phatna-late 87

¹Korah’ Tapate phuah. Phatna-la khat. La khat. Amah in mual siangtho tungah ama bulkip phut khin a;

²TOPA in Jacob tenna khempeuh sangin Zion kongpite a itzaw hi.

³Pasian khuapi aw, na minthannate kigengen a:

⁴"Kei hong thusimte lakah Rahab c[148] le Babylon ka ciamteh dinga - Philistia zong, tuateh Tyre, Cush d[149] tawh ka ciamteh khawm dinga, ‘Hih e[150] pa Zion ah suak hi,’ ka ci ding hi," a ci hi.

⁵A taktakin Zion tawh kisai-in, "Hihpa huapa tua khuapi sunga suak hi-a, Sang Penpa mahmah in amah a kipsak ding hi," kici ding hi.

⁶TOPA in mihingte ciamtehna laibu sungah: "Hih pa Zion a suak ahi hi," ci-in a gelh ding hi.

⁷Amaute in tumtheih tumin, "Ka tuikhukte khempeuh nang sungah om hi," ci-in a sa ding uh hi.