Read Zokam Phatna-late 88 Bible Online

Phatna-late 88 - Zokam bible

Phatna-late 88

¹La khat. Korah’Tapate phatna-la khat. Tumtheih makaipa ading. f[151] zui-a sak ding. Ezrah-te Heman phuah g[152] khat. Keimah hong honkhia Pasian, TOPA aw, sun le zanin na mai-ah kong kiko hi.

²Kong thungetna na mai-ah hong tung hen; ka kikona na bil hong ngat in.

³Ahang in, keima hinna lungkhamna tawh kidim a, ka nuntakna in hankhuk h[153] a neh hi.

⁴Gum sunga a paisukte lakah kei hong kisimkhawm ta a; thabei mi tawh ka kibang hi.

⁵Nangma cinna pana kikhenkhia, na phawkkhak nawn loh, misite tawh a kituam koih, a kithatsa hankhuka lumte tawh ka kibang hi.

⁶Thuka a mial penna mun gum tawngnung pen ah kei nong koih hi.

⁷Na thangpaihna gik in kei hong nen a; na tuihualte khempeuh tawh kei nong tuamcip hi.

⁸Ka kinaipih pen ka lawmte na la khin a, amaute’ muh thadahhuai ka suakta hi. Kei hong kikhumcip a ka suakta thei kei hi;

⁹dahna hangin ka mit a maang hi. TOPA aw, nisimin nang kong sam a; ka khutte nanglam ah ka zan hi.

¹⁰Misite tungah na nalamdangte lak na hi hiam? A sisate hong thoto in nang hong phat uh ahi hiam?

¹¹Han sungah na itna, Siatna a[154] sungah na muanhuaina kipulak ahi hiam?

¹²Khuamialna mun ah na bawl alamdangte kithei-in, mangngilhna gamah na sep thumaanna kithei ahi hiam?

¹³Ahi hangin TOPA aw, huhna ngenin kong kiko a; zingsangin kong thungetna na mai-ah hong tung hi.

¹⁴TOPA aw, bang hangin kei hong nialin, na maitang hong selsan na hi hiam?

¹⁵Ka neu tunga kipan thuaksia in ka si dekdek hi; nong lausaknate thuakin ka cimawh ta hi.

¹⁶Nangma thangpaihna in ka tung hong nawk a; na lausaknate in kei hong susia hi.

¹⁷Tuikhang bangin tuate in sun nilohin kei hong umcih a; kei hong tuumcip kiuhkeuh uh hi.

¹⁸Kei kiang panin ka kikholhpihte le ka itte na lakhia a; ka kinaipihpen ka lawmpa khuamial ahi hi.