Read Zokam Phatna-late 89 Bible Online

Phatna-late 89 - Zokam bible

Phatna-late 89

¹Ezrah-te Ethan phuah b[155] khat. TOPA itna lianpi la in ka sa tawntung dinga; khang sawnsawnte dongin na muanhuaina ka kamin ka theisak ding hi.

²Na itna kip tawntung a, vantung nangawn ah na muanhuaina na kipsak lam ka pulak khia ding hi.

³Nang, "Ka teelsapa tawh thukhun ka bawl khin a, ka nasempa David tungah kiciamin,

⁴‘Nangma khanggui ka kipsak tawntung dinga, a khangkhangin na kumpi tokhom ka kipsak ding hi,’ ka ci hi," na ci hi.

⁵TOPA aw, vante in na nalamdangte phat uh a, na muanhuaina zong misiangthote kikhopna ah kiphat hi.

⁶Ahang in, huihkhua a omte kua tawh TOPA kiteh thei ding ahi hiam? Vanmite lakah TOPA tawh a kibang kua om ahi hiam?

⁷Misiangthote kikhopna ah Pasian kikihta mahmah a; ama kimkot a omte khempeuh sangin a lipkhaphuai zaw hi.

⁸Thahatpen TOPA Pasian aw, nang tawh kibang kua om ahi hiam? TOPA aw, nang na thahat a na muanhuaina in hong umcih uh hi.

⁹Tuipi kilokte na uk a; a hualte a vumtoh ciangin na sipsak hi.

¹⁰Galte thahsa bangin Rahab na suzana; a thahat na ban tawh na galte na thehzak hi.

¹¹Vante nang aa hi a, leitung zong nang aa mah ahi hi; leitung le a sunga om khempeuh na siamsa ahi hi.

¹²Leilu le leitaw na piangsak a; Tabor le Hermon in na min phatin nuamna la sa uh hi.

¹³Na ban vanglian den a; na khut thahatin, na taklam khut kitawisang hi.

¹⁴Thumaanna le thutang nangma kumpi tokhom bulpi hi-a; itna le muanhuaina na masuan hi.

¹⁵TOPA aw, nang thu tangko ding zia sinkhin a na omna khuavak-a kalsuante thupha ngah ahi hi.

¹⁶Sun nilohin amaute na minin nuamsa uh a; na thumaanna ah a lungtai uh hi.

¹⁷Ahang in, amaute minthanna le hatna, nang na hi-a, nangma angvanna in ka ki c[156] uh a tawisang hi.

¹⁸Hi taktak hi, kote lum d[157]TOPA aa hi-a, Israel Siangtho Pa kote kumpi ahi hi.

¹⁹Khatvei na mi muanhuaite mangmuhna-in na hopih a: "Galhangpa tungah thahatna ka pia a; mite lak pan tangval khat ka tawisang hi.

²⁰Ka nasempa David ka mu khin a; amah ka sathau siangtho ka nilh khin hi.

²¹Ka khut in amah kipsak dinga; ka ban in a tha hatsak taktak ding hi.

²²Galte khat beek in amah tungah siah kai lo dinga; migilote khat beek in a nengniam kei ding hi.

²³A mai-a a galte ka suzan dinga, amah a langpangte ka satpai ding hi.

²⁴Keima itna muanhuai tawh ka ompih dinga, keima min hangin a ki e[158] a kitawisang ding hi.

²⁵Tuipi tungah a khut ka koih dinga, gunte tungah a khut taklam ka koih ding hi.

²⁶Amah in kei hong samin, ‘Ka Pa na hi a, ka Pasian, keima Honpa Suangpi na hi hi,’ hong ci ding hi.

²⁷Kei zong amah ka ta masa, leitung kumpite tawisang pen ka hisak ding hi.

²⁸Ama tungah ka itna ka kipsak den dinga, amah tawh ka thukhun a kipelh ngei kei ding hi.

²⁹Ama khanggui ka kipsak den dinga, vante a kip laisiah ama tokhom ka kipsak ding hi.

³⁰"Ama tapate in ka thukham taisanin ka ngeinakipte a zuih kei uh a,

³¹ka thukipte palsatin ka thupiakte a zuih kei uh leh,

³²cianggolh manin amau mawhna dan ka pia dinga, amau tatkhialhna hangin ka sat ding hi;

³³ahi hangin ama tung pan ka itna lakkiksak loin ka muanhuaina ka lehhek tuan kei ding hi.

³⁴Ka thukhun ka palsat kei dinga ka muka ka genkhiatsa zong ka khel kei ding hi.

³⁵Khatvei-a cin dingin ka sianthona-in ka kiciam khin a - David tungah zuau phuak loin -

³⁶ama khanggui kizomsuak dinga ka mai-ah ni bangin a kumpi tokhom kip hi;

³⁷van a a muanhuai teci ahi khapi bangin ka kipsak tawntung ding hi," na ci hi.

³⁸Ahi hangin nang nialin na nolh khin a, na sathau nilhpa tungah na heh mahmah hi.

³⁹Na nasempa tawh na thukhun na pelh a, ama kumpi lukhu leivui lakah na ninsak hi.

⁴⁰Ama kulhte khempeuh na sukham a, ama munkipte na suksiatsak hi.

⁴¹A nawkkha khempeuh in amah lawk uh a; a vengte simmawh a suak uh hi.

⁴²A galte’ taklam khut na tawisang a; a galte khempeuh na nuamsak hi.

⁴³A namsauma na lehheisak a, gal kisimna ah amah na panpih kei hi.

⁴⁴Ama thupina na beisak a, a kumpi tokhom lei lak na denna hi.

⁴⁵A khangno hun na tomsak a, maizumna puanpi tawh amah na tuam hi.

⁴⁶TOPA aw, bangtan sawt lai ding hiam? Nang bucip den ding na hi hiam? Na thangpaihna mei bangin bangtan vei kuang lai ding hiam?

⁴⁷Ka nuntakna a bei hanhan lam hong phawk in. Mihing khempeuh a mawkna dinga na bawl hiam!

⁴⁸Bangci mi, sihna mu loin nungta thei a, hankhuk a[159] vangliatna panin kihon thei ahi hiam?

⁴⁹Topa aw, David tungah na muanhuaina-a na ciam, alian na itna ngei koi ah om ta hiam?

⁵⁰Topa, na nasempa hong kizahko zia b[160], minamte khempeuh hong selnohna ka lungsimin ka thuak zia,

⁵¹TOPA aw, na galte in hong selnohnate uh le nangma sathau nilhpa a kalsuan simin a zahkonate uh phawk in.

⁵²TOPA kiphat tawntung ta hen! Amen, Amen.