Read Zokam Phatna-late 91 Bible Online

Phatna-late 91 - Zokam bible

Phatna-late 91

¹Sang Penpa liahna sunga tengte Thahatpenpa c[163] liim ah a khawl ding hi.

²TOPA tungah, "Amah ka bukna le ka kulhpi, ka muanpa ka Pasian ahi hi," ka d[164] ci ding hi.

³Amah in vasa siahpa thang pan le sih theihna natna lauhuai panin hong honkhia taktak ding hi.

⁴Amah in a khate in nang hong khuh dinga, ama khate nuai-ah bu-in; ama muanhuaina in na lumpi le na lumta hi ding hi.

⁵Zana lauhuaina ahi a, suna leng thaltang ahi zongin

⁶mial laka leng natna lauhuaite ahi a, suntangpi-a a siasak gimnate ahi zongin na kihta kei ding hi.

⁷Na gei ah tulkhat pukin, na taklam ah tulsawm a puk zongin nang hong neh kha kei ding hi.

⁸Na mitin na en lel dinga, migilote dan thuakna na mu ding hi.

⁹Nangmah in Sang Penpa - keima bukna TOPA mah - na tenna na hisak leh

¹⁰tua ciangin na tungah siatna hong tung lo dinga, na puanbuk gei-ah vangsiatna hong tung kei ding hi.

¹¹Ahang in nang adingin ama vansawltakte thu pia dinga na lampi tengah hong cingsak ding hi;

¹²na khe suang tungah na tah khak loh nadingin amaute in a khutun hong dom ding uh hi.

¹³Humpinelkai le mualtan na tuan dinga; humpinelkai lianpi le gulpi na tuancil ding hi.

¹⁴TOPA in, "Amah in kei hong it ahi manin amah ka hu ding hi; amah in ka min thei ahi manin amah ka dal ding hi.

¹⁵Amah in kei hong sam dinga, ka dawng ding hi; lungkham hunin amah ka ompih dinga amah hu-in ka pahtawi ding hi.

¹⁶Nuntak sawtna-in amah ka lungtaisak dinga ka hotkhiatna amah ka lak ding hi," a ci hi.