Read Zokam Phatna-late 92 Bible Online

Phatna-late 92 - Zokam bible

Phatna-late 92

¹Phatna-la khat. La khat. Sabbath ni ading. TOPA phat dingin hoih a, Sang Penpa aw, na minphatna sa in

²zingsangin nangma itna zan ciangin na muanhuaina

³zang sawm kivawh lyre le harp tumin, kihualtaka tangko dingin a hoih hi.

⁴Nangma nasepnate in kei hong kipaksak ahi manin na khuta na sepsate lungnuamin la ka sak hi. TOPA aw.

⁵TOPA aw, na nasepte lian na lawmlawm e! na ngaihsutna thuk na mahmah e!

⁶Ngaihsutna nei lote in thei lo uh a, mihaite in a theitel kei uh hi;

⁷migilopa ngaihsutna lopa bangin selkhia a, gamtatsiate a khanpha uh zongin amaute kisusia den ding hi.

⁸Ahi hangin TOPA aw, nang hong kitawisang tawntung hi.

⁹Ahang in, TOPA aw, na galte mangthangin nangma galte mangthang taktak ding uh a; a gamtatsiate khempeuh a kithehzak taktak ding uh hi.

¹⁰Gam bawngtal khat aa bangin keima ki a[165] na tawisang a; ka tungah sathau hoih pente hong kisung khin hi.

¹¹Kei hong galbawlte kizawhna ka mitin mu a; a gilo ka galte taikekna ka bilin ka za khin hi.

¹²A thumaante nisuh kung bangin khanpha ding uh a, Lebanon a tamtak bangin khang ding uh hi;

¹³TOPA inn sungah kisuanin, eite Pasian huang sungah a khanpha ding uh hi.

¹⁴A upat khit dongun gahlai ding uh a, nosuakin hing kiuhkeuhsa in,

¹⁵"TOPA thutang hi; amah ka Suangpi hi-a, amah ah gitlohna a om kei hi," ci-in tangko ding uh hi.