Read Zokam Phatna-late 93 Bible Online

Phatna-late 93 - Zokam bible

Phatna-late 93

¹TOPA in uk a, thupina-in kituam hi; TOPA thupina-in kituam a, hatna in a kituam hi. Leitung buppi kiptakin kiphut kip a, a kiling thei kei ding hi.

²Tanglai pek pan na tokhom a kipsa hi a; nang a tawntunga omdensa na hi hi.

³TOPA aw, tuipite kikhaangto uh a, tuipite in a aw uh sangsak uh hi; tuipite in a tuihual kilokpite sangsak uh hi.

⁴Tui lianpi hawk sanga a thahatzaw; tuipihual kisatte sangin zong a thahatzaw - a sangna a om TOPA a thahat hi.

⁵TOPA aw, na ngeina kipte kho a; bei ni a nei lo dingin sianthona in na inn a zem hi.