Read Zokam Phatna-late 99 Bible Online

Phatna-late 99 - Zokam bible

Phatna-late 99

¹TOPA in uk hi, minamte ling uh hen; amah cherub-te kikal kumpi tokhom ah a tu hi, leitung kiling hen.

²Zion ah TOPA lian a; minam khempeuh tungah amah kitawisang hi.

³A lipkhaphuai na min lianpi amaute in phat uh hen - amah siangtho hi.

⁴Kumpipa a thahat hi, amah in thutang it hi - deihsaktuam neihlohna na kipsak a; Jacob ah thumaan le thutangin na sem khin hi.

⁵Eite Pasian TOPA tawisang unla a khengakna ah bia un; amah siangtho hi.

⁶Ama siampite lakah Moses le Aaron kihel uh a, ama mina kilote lakah Samuel kihel hi; amaute in TOPA sam uh a amah in dawng hi.

⁷Amah in meii khuampi panin amaute hopih a; amaute in ama piak ngeina kipte le thukipte a zui uh hi.

⁸Kote Pasian TOPA aw, amaute na dawnga; amau tatkhialhna a[169] dan na piak hangin, Israel-te b[170] adingin mawhna a maisak Pasian na hi hi.

⁹Eite Pasian, TOPA siangtho ahi manin, i Pasian TOPA tawisangin ama mual siangtho ah bia un.