Read Zokam Paunakte 16 Bible Online

Paunakte 16 - Zokam bible

Paunakte 16

¹Lungsima geelna mihing aa hi-a, leii a dawnna ahileh TOPA tung pana pai ahi hi.

²Mihing in a lampite khempeuh ah mawhpeng kisa a, TOPA in ahileh lungsima sawmnate a khingkhai hi.

³Na sep peuhmah TOPA tungah ap in tua hileh na geelna na zo ding hi.

⁴TOPA in na khempeuh a tawpna ding bawl a - migilote nangawn siatna ni adingin a bawl hi.

⁵Lungsim kiphasak khempeuh TOPA in kih hi. Hih thu tel in: Dan tuak loin a om kei ding hi.

⁶Itna le muanhuaina tawnin mawhna maisiang a, TOPA kihtakna tawnin mihing in gitlohna a peel hi.

⁷Mihing khat lampite in TOPA a lungkimsak ciangin a galte nangawn amah tawh kilemin tengkhawmsak hi.

⁸Thutang lo a tampitak ngah sangin, thumaan-a tawmno ngah hoihzaw hi.

⁹Mihing in a maban ding geelkhol a, ahi zongin TOPA in a kalsuanna uk hi.

¹⁰Kumpipa mukte in thusuak bangbang genkhia a, a kam in thutang a lehhek kei hi.

¹¹Amaan tawikhaina le tehnate TOPA pan hi-a, ip sunga tawisuang khempeuh ama bawlsa ahi hi.

¹²Thumaanna tawnin kumpi tokhom kikipsak ahi manin kumpite in amaan lo gamtatna a kih uh hi.

¹³A thumaan mukte ah kumpite lungtai uh a, thutak a gente manpha sa uh hi.

¹⁴Kumpipa thangpaihna in sih nading thupuakpa hi-a, mipil in ahileh a thangpaihna daisak hi.

¹⁵Kumpi khat a maitai ciangin kinuntak lawh a; ama angvanna in guah a paii tukmeii tawh kibang hi.

¹⁶Kham sangin pilna ngah ding hoihzaw tham a, ngun sangin theihtelna teel ding hoihzaw tham si!

¹⁷A thutangte’ lam lianpi in gitlohna peel a; ama lampi a kem mi in, a nuntakna kem ahi hi.

¹⁸Kisiatna ma-in kiphatsakna masa a, pukna ma-in kihihsakna lungsim masa hi.

¹⁹A kiphasakte tawh vansuh hawm sangin lungsim niamkhiat a, kinengniamte lak a om hoihzaw hi.

²⁰Lamlahna a thusimte a daupai a, TOPA a muang mite thupha ngah ahi hi.

²¹Lungsim pilte thu khaikak thei kici a, kamkhum in lamlahna b[30] behlap hi.

²²Theihtelna a nei mi adingin nuntakna tuikhuk hi-a, haina in ahileh a haite dan tuaksak hi.

²³Mipilpa a lungsim in a kampau makaih a, a muk in lamlahna a behlap c[31] hi.

²⁴Kamkhum in khuaizu pheng hi-a, hinna adingin khumin guhte damna ahi hi.

²⁵Mi khat adingin amaan dinga kilawm lampi khat om a, ahi hangin tua in a tawpna ah sihna tun hi.

²⁶Nasempa ankam-limna in ama ading na semsak a, a gilkialna in nasemin sawlsawl hi.

²⁷Migilo in gitloh sawma, ama kampau, a hultum thei meikuang bang hi.

²⁸Lungsim kawite in kitotna piangsak a, gensiatna in lawmta khen hi.

²⁹Mi ngongtat in a vengpa zolin a hoih lo lam totpih hi.

³⁰A mit phoisakte thu kawi bawlnuam hi-a; a muktukte gitloh sawm ahi hi.

³¹Samkang in thupina lukhu hi-a, thumaana nuntakna hanga kingah ahi hi.

³²Galhang khat sangin lungduai khat hoihzaw a, khuapi khat a zopa sangin a lungsim a uk zopa hoihzaw hi.

³³Angkawmah ai a kisan hangin a khentatna peuhmah TOPA aa ahi hi.