Read Zokam Paunakte 21 Bible Online

Paunakte 21 - Zokam bible

Paunakte 21

¹TOPA khut sungah Kumpipa lungtang om a, tuilaak bangin a lungkimnana ah hei kawikawi hi.

²Mi khat in a gamtatna khempeuh maan a sak hangin, TOPA in a lungsim khingkhai hi.

³TOPA in kithoihna sangin thumaan thutanga sep, sang thei zaw hi.

⁴A kihisak mitte le kiphatsakna lungtang, migilote’ meivakte mawhna ahi hi!

⁵Lopthopna in zawnna a tut laisiah a citakpa geelna in metna tun hi.

⁶Leii-a zuauna tawh hauhna in a lengmang pak tuikhu le sihtheihna thang b[37] ahi hi.

⁷Migilote thumaanin gamta nuam lo ahi manin, amau ngongtatna in amaute talkaih mang ding hi.

⁸A kisuangtaakte lehtat uh a, mawhpengte ahileh a tangin gamta uh hi.

⁹Kitot hat zi tawh inn khata tenkhawm sangin, innkhum tung kiu khata ten hoihzaw hi.

¹⁰Migilote in thusia deih uh a, a vengte in ama tung panin lainatna a ngah kei uh hi.

¹¹Misimmawh khat dan a kituahsak ciangin, mimawlte in pillawh uh a; mipil khat lam a kilah ciangin theihna a ngah hi.

¹²Thumaan Pa c[38] in migilote inn ciamteh a, a gilote a siasak hi.

¹³Mi khat in mizawngte kikona za nuam loin a bil a humsan leh amah zong kiko dinga a kidawng kei ding hi.

¹⁴Letsong kipiaksim in hehna damsak a, puan nuai ah sel-a golhsum piaksim in thangpaihna lianpi a daisak hi.

¹⁵Thutanga a kisep khit ciangin a thumaante lungnuam a, a gilote lauthawng hi.

¹⁶Theihtelna pana lampialpa, misi hon lakah a tawlnga ding hi.

¹⁷Nopsakna khelahte zawng dinga; zu le sathau haite a hau ngei kei ding hi.

¹⁸Migilote in a thumaan mite kitatna man suak dinga, mi muanhuai lote mi thutangte adingin tatna man a suak ding uh hi.

¹⁹Kitot hat le a gilo zi tawh tenkhawm sangin gam sunga ten hoihzaw hi.

²⁰Mipilte inn sungah an lim le sathau kikhol a, mihaipa in ahileh a neih zahzah valhtum pahpah hi.

²¹Thumaanna le itna a delh mi in, nuntakna, daupaina d[39] le pahtawina a mu hi.

²²Mipil in mi thahatte khuapi sim-a, amau muan, kulh muanhuai a kaipuk hi.

²³A kam le a leii a kem thei mi, vangsiatna pan a kikem ahi hi.

²⁴A kiphasak le a ki-uangsakte - a min, "Misimmawh" hi-a; kiphasak khengvalin a gamta hi.

²⁵Mi zongzawte khut in na sem nuam lo ahi manin a deihluatna, ama sihna hi ding hi.

²⁶Sun thapai-in amah in a tamzaw deih lai a, a thumaante in ahileh siit nei loin piakhia hi.

²⁷Migilote’ kithoihna kihhuai hi - ngimna hoih lo tawh a puakte nak kihhuai zaw ngel ve!

²⁸Teci zuau mangthang dinga, a thu a ngai peuhmah kisusia den a[40] ding hi.

²⁹Migilote hanhah gemgam a, mi thutang in a gamtat nading a ngaihsun hi.

³⁰TOPA langkhatah pilna, thugil le ngimna a tangtung zo kei hi.

³¹Galsim ni adingin sakol kiciil khin a, gualzawhna ahileh TOPA aa ahi hi.