Read Zokam Paunakte 22 Bible Online

Paunakte 22 - Zokam bible

Paunakte 22

¹Hauh mahmah sangin min hoih deihhuai zaw a; ngun le kham sangin mite sangmuhna hoihzaw hi.

²A zawng le a hau in neihkhawm nei uh hi; amaute khempeuh a Bawlpa, TOPA ahi hi.

³A kidawm thei mi in lauhuaina mu-in bu a, mimawl in ahileh phusuakin a thuak hi.

⁴Kiniamkhiatna le TOPA kihtakna in hauhna, pahtawina le nuntakna a tun hi.

⁵A gilote lampi ah lingte le thangte om a, a nuntakna a kem mi in ahileh tuate gamlapi-ah a pel hi.

⁶Naupang khat a pai nading lampi ah pantah b[41] lecin, a tek dongin a pial nawn kei ding hi.

⁷A haupa in a zawngpa uk a, a leitawipa in a leitawinapa nasem a suak hi.

⁸Gitlohna a vawhte in lungkhamna at a, ama hehna ciangduai kisuksiatsak ding hi.

⁹A hawmsem mi in mizawngte a an hawm ahi manin amah thupha kipia a suak hi.

¹⁰Misimmawhte hawlkhia lecin, kiselna om loin, kitotna le ki-engkona bei ding hi.

¹¹Lungsim siang a itte le a kamsiamte in kumpipa lawmin a nei ding hi.

¹²TOPA mit in theihna vil gige a, mi muanhuai lote kammalte ahileh a lawhsamsak hi.

¹³Zongzawte in, "A pualam ah humpi om!" ahikeh "Kongzing ah hong kithat kha inteh!" ci uh hi.

¹⁴Angkawmnu kam in gum thukpi hi-a; TOPA thangpaihna nuai-a om mi tua sungah a kia ding hi.

¹⁵Naupang lungsim ah haina a lomin om a, sekna ciangduai in tuate ama tung pan nawhkhiamang ding hi.

¹⁶Hauh beh nadingin mizawngte a nengniamte le mihaute letsong piate - a nih in a zawng ding hi.

¹⁷Mipilte thugente thusim inla ngai in; kong hilhte na lungsim ah kivawh in.

¹⁸Na lungsim ah vom lecin na lungkim dinga, na kama na zatpah ding ahi hi.

¹⁹TOPA na muan theih nadingin tuni-in nang mahmah kong hilh hi.

²⁰Keimah in nang adingin thu kuppihna le theihna kamvui sawm thum c[42],

²¹nang hong sawlpa tungah hoihtaka na dawn theih nadingin tumaan le a muantak hong hilh in gelh khin hilo ka hi hiam?

²²Zawng tah ci-in mizawngte zawhthawhbawl kei inla, thukhen zum ah a tasamte nopneh kei in.

²³Amaute tangin TOPA dinga, amau van a sutte ama’n a sut ding hi.

²⁴Mi lungtomte lawmin nei kei inla, a heh baihte tawh kikhawl kei in;

²⁵a gamtat zuikha-in nangmah thang kisiah na suak ding hi.

²⁶Kiciamna-in na khut beng kei inla, leiba lohsak dingin kiciam kei in;

²⁷a dit nading nei kei lecin na zat kimlai na lupna kidokkhia ding hi.

²⁸Na pute phuhsa tanglai kigisuangte khin kei in.

²⁹Nasep a siam mi na mu hiam? Kumpipa na sem dinga; mi mawkmawk na a sem kei ding hi.