Read Zokam Paunakte 23 Bible Online

Paunakte 23 - Zokam bible

Paunakte 23

¹Gam-ukpa tawh ankuang na um ciangin, na mai-a om d[43] limtakin en inla

²anhai mi na hileh na gawl temta in ngim in;

³Khemna an ahi manin anlimte iplah kei in.

⁴Hauh nop manin patliangin na sem kei in; pilvangin kithadopzaw in.

⁵Muvanlai bangin hauhna a kha po-in vanlam ah lengkhia ding ahi manin, a bei pah theih hauhna mitsuan kei in.

⁶A iksiikte an neksak loin a anlimte iplah dah in;

⁷ahang in, a tuacite in a man a[44] ding tuat ciltel hi. "Ne in, dawn in" hong cih hangin hong nekngaih taktak hi lo hi.

⁸Tawmkha na neksun na luakhia dinga na kamsiam paih teng a mawkna suak ding hi.

⁹Mihaipa hopih kei in na pil thugente thusim lo ding hi.

¹⁰Tanglai-a kigisuangte khin kei inla, pa neilote’ lo keksak kei in,

¹¹ahang in amaute Huhpa thahat hi; nang langah amah pang ding hi.

¹²Lamlahnate na lungsim ah bulh inla, theihna lamah na bil ngat in.

¹³Naupang sek ding khiam kei in; ciangduai-a na sat hangin si lo ding hi.

¹⁴Ciangduai-in dan pia inla; sihna b[45] pan a hinna hon in.

¹⁵Ka tapa aw, na lungsim a pil leh ka lung a nuam ding hi.

¹⁶Na muk in thumaan a gen ciangin, ka lungsimtawng kipaak ding hi.

¹⁷Na lungsimin mimawhte eng kei inla, TOPA kihtakna aam tawntung zaw in.

¹⁸Mailam ah nang ading lametna om takpi a, na lametna a mongbei kei ding hi.

¹⁹Ka tapa aw, ka thu ngai-in pil inla lampi maan ah na lungsim khosak in.

²⁰Zu tampi a dawnte le sa uangnekte tawh umkhawm kei in,

²¹ahang in, zukhamte le anhaite zawng uh a, a ihmut-haina un puansiapi a silhsak hi.

²²Na pianna na pa thu ngai inla, na nu a tek ciangin simmawh kei in.

²³Thutak lei inla zuak kei in; pilna, sektatna le theihtelna ngah in.

²⁴A thumaan mi a pa lungnuam mahmah a; ta pil nei pa a ta tungah lungkim hi.

²⁵Na nu le na pa lungnuam henla; na pianna nu kipaak hen!

²⁶Ka tapa aw, na lungsim hong pia inla ka lampite mitsuan gige in,

²⁷ahang in a kizuaknu gum thukpi hi-a, uklah zi in dum kawcik ahi hi.

²⁸Misuampa bangin mi buksim a, pasal lakah mi muanhuai lo khangsak hi.

²⁹Kua in gimna thuak hiam? Kua in dahna thuak hiam? Kua kisel hiam? Kua lungkim lo hiam? A kul lopi-in kua liam hiam? Kua mitsan gega hiam?

³⁰Zupeng uapte, zu helna phual zuante ahi hi.

³¹Hai sungah damdama kisung, a phuan seuhseuh, a san kilkel zu en kei in.

³²A tawpna ah gul bangin hong tuin ngan bangin gupha hi.

³³Na mit in nalamdangdang mu dinga na lungsim ah a buaihuai na a tuamtuam na ngaihsun ding hi.

³⁴Tuipi lai-a lum na bang dinga, tembaw mung dawna lum na bang ding hi.

³⁵"Hong sat uh hang lah liam ke’ng! Hong vuak uh hang lah na sa ke’ng! Zu ka dawn kik theih nadingin cikciang ka navak kik tam?" na ci ding hi.