Read Zokam Thuhilhna 12 Bible Online

Thuhilhna 12 - Zokam bible

Thuhilhna 12

¹Na lungkham ding hun hong tun ma, "Amaute ah nuam sa ke’ng" na cih ding kum in hong phak ma,

²ni le khuavak, khapi le aksite mialin, guahzu khina meii ah kileh kikma na khangno hunin nang hong Piangsakpa phawkin; ;

³tua hun pen inn ngakte lingin, mi thahatte a maikun ciang, angawite tawm uh ahi manin a khawl ciang, kongvangneu a khuadakte muhna a mial ciang;

⁴kongzinga kongkhakte kikhakin angawina a gin nawn loh ciang; vasa ham in mite phawng napi a hamte uh a ginngaih nawn loh ciang;

⁵mite in khosang kihta-in lamdung lauhuai a sak ciang; almond kung pak ta in kauphe amah le amah tuan dinga, a deih bangmah a om nawn loh ciang ahi hi. Tua ciangin mipa a tawntung inn ah pai ta dinga, a thumte in kong zing zui ta ding uh hi.

⁶Ngun khauhual a kitah ma, kham kuang-uk a kitap ma, tuikhuk ah tuibeel kia-a a kitapzan ma tuibem a lengpei a kitap ma

⁷le hong kuankhiatna leivui ah a ciah kik ma, a piapa Pasian kiangah kha a ciah kik ma-in amah phawk in.

⁸Siapa b[16] in, "A mawknapi! A mawknapi! na khempeuh a mawknapi hi" a ci hi.

⁹Siapa a pil bek hi loin a theihna mi tungah zong a hawmsawn hi. Amah in ngaih sunsunin zongkhia a, paunak tampi a banbanin gual hi.

¹⁰Siapa in thumaan bekbek zongkhia a, a gelhsate thumaanin thutang hi.

¹¹Mipilte thugente gan-ciangkhut tawh kibanga, a kammal khopte uh a kikhenkip siktukkilhte bangin - Tuucingpa khat piak ahi hi.

¹²Ka ta aw, hihte banah theih beh ding tampi om lai hi. Laibu tampi kibawl taleh bei hun nei lo a, tampitak simna in pumpi a gimsak hi.

¹³Tu-in a vekin i za khin hi; hitakah thukhupna a om hi: Pasian kihta inla a thupiakte zui in, ahang in mihing masuanpi in hih ahi hi.

¹⁴Ahang in, a sia ahi-a a pha ahi zongin a kihihsimte nangawn - a kisem khempeuh tungah Pasian in thu a khen ding hi.