Read Zokam Thuhilhna 4 Bible Online

Thuhilhna 4 - Zokam bible

Thuhilhna 4

¹Ka et kik leh sunni nuai-a apiang kinetniamna khempeuh ka mu a: A kinengniamte khitui - a huh ding kuamah a neih loh lam; a nengniamte vanglian uh a- tuateh a hehnem ding kuamah a neih loh lam uh ka mu hi.

²A nungta lai mihingte sangin, a si khinsa misite lungdam zaw hi ka cikhia hi.

³Ahi hangin hih gel sangin a piang nai lo sunni nuai-a a kigamta gitlohnate a mukha lote hoihzaw hi.

⁴Tuateh mi khat in a vengte engin na nakpi-a kisem ahilam ka mu hi. Hih zong a mawknapi hi a, huih nungdelh lel mah ahi hi.

⁵Mihai in a khutte zep a, amah mah kisiatsuah hi.

⁶Gimpi-in sema khutdim nih ngah a huih nungdelhna sangin daitaka khutdim khat ngah hoihzaw hi.

⁷Sunni nuai-ah a mawknapi pawlkhat ka mu leuleu hi:

⁸Mi khat amah kia om a; tapa ahi a, sanggampa ahi zongin a nei kei hi. Gimpi-a nasep khawl hunnei loin, ama hauhna a mit dim tuan lo hi. Amah in, "Kua ading gimpi-in na sem-a, bang hangin ka ututin ta lel lo ka hi hiam?"ci-in kidong hi. Hih zong a mawknapi mah hi-a a gentheihhuai nasep ahi hi!

⁹Khat sangin nih hoihzaw hi, bang hang hiam cih leh amau sepna ah a hoih ngah kik uh hi.

¹⁰Mi khat a tuk leh a lawmpa in phong thei hi! Ahi hangin mi khat tuka a phong ding a nei lo pa hehpihhuai si!

¹¹Mi nih lumkhawm leh zong a khua uh lum ding hi. Ahi hangin mi khatguak bangci-in a khua lum thei ding ahi hiam?

¹²Mi khat kizothawh thei napi, nih hileh amau le amau kihu thei uh hi. Zang thum kihual khawm khau tat pak lo hi.

¹³A kivauhilh thei nawn lo, tek le hai a thuah kumpipa sangin mizawng khangno khat hoihzaw hi.

¹⁴Khangno khat a thongkiatna panin kumpi suak thei a, ama kumpi-gam sung mahmah ah a zawngsa-a suak hi thei hi.

¹⁵Sunni nuai-a lampai-a nungta peuhmah in kumpite zalaih ding khangnopa a zuih uh ka mu hi.

¹⁶Amaute ma-a mite simzawhlohin tam hi. Ahi hangin amau nunga piangte kumpipa zalaihpa tungah a lungkim kei uh hi. Hih zong a mawknapi hi a, huih nungdelh lel mah ahi hi.