Read Zokam Thuhilhna 5 Bible Online

Thuhilhna 5 - Zokam bible

Thuhilhna 5

¹Pasian inn ah na pai ciangin kidawmin gamta in. A khialh lam uh a thei lo mihaite biakna sangin thu ngai dingin a kiangah pai lecin hoihzaw hi.

²Pasian mai-ah na khatpeuh na gen ciangin kam paukhiat ding manlang kei inla, na lungsimin nawh ngaihsut kei in. Pasian vantungah om a, nang leitunga om na hi hi; tua ahi ciangin na kam tawmsak in.

³Lunghimawhna tampi a om ciang in manga a kimat bangin, kam tampi a kipau ciangin, mihaipa haina kilangkhia hi.

⁴Pasian tungah na kiciam ciangin tangtungsak hak kei in. Amah mihaite tungah lungdam lo hi, na kiciamna tangtun in.

⁵Kiciamna tangtungsak loh sangin, kiciam loh hoihzaw hi.

⁶Na kam tawh mawhna sung kitunsak kei in. Biakinnpi thupuakpa kiangah, "Ka kiciamna ka khial hi," ci kei in. Bang hangin na thugenna ah Pasian hehin na khut a na sepsa susia ding ahi hiam?

⁷Mang tampi mat le kam tampi pau a mawknapi ahi hi. Tua ahi ciangin Pasian kihta-in om in.

⁸Gam sungah mizawngte kinengniam a, thumaan le thutang a kinial na muh leh lamdang sa kei in; ahang in, ulian khat amah sanga lianzaw khat in ena, amaute gel tungah a sangzaw dang om lai hi.

⁹Gam sunga piangte mi khempeuh in tanga; lo panin kumpipa bek in metlawh hi.

¹⁰Sum iplah peuhmah in sum a deihzah nei ngei lo a; hauhna iplah peuhmah a ngahzah tawh a lungkim ngei kei hi. Hih zong a mawknapi ahi hi.

¹¹Nate a khanna tawh ki zui-in, tuate a ne ding a khang hi. Tua ahileh a neipa in a mitin a muh nuam a sak longal, ama adingin bang phatuam ahi hiam?

¹²Nasempa khat in tawm ne in tam ne taleh a ihmut nuam a, ahi hangin mihaupa a hauhletna in a ihmusak thei kei hi.

¹³Sunni nuai-ah a dahhuai mahmah gitlohna khat ka muh in: hauhna in a neipa nasak a,

¹⁴vangsiatna hangin hauhna maimanga, tapa a neih ciangin ama ading bangmah a nusiat kei hi.

¹⁵Mihing a nu sung pan guaktangin suahkhia a, a suahkhiat bangin a paikhia ding hi. A khut sungah a sepsa bangmah a pua thei kei hi.

¹⁶Hih zong a dahhuai gitlohna mah ahi hi: Mi khat a suah bangin pai kik hi, huih adingin gimpi-a na a sep nungsang bang lawhtak ahi hiam?

¹⁷A nuntak hun sung lawhsamin, lunggimin hehsa-in khuamial lakah an a ne hi.

¹⁸Tua ciangin mi khat in sunni nuai-ah Pasian piak tomkha a nuntak hun sungin gimpipi-a a sepsate ne-in dawnin kham a ngah ding ama adingin hoih hi, ci-in ka ngaihsun hi - ahang in, ama lawhtak hih ahi hi.

¹⁹Tua tham loin mi khatpeuh Pasian in neihsa lamsa pia-a a hauhna nuamtakin a zatsak leh ama lawhtak tua mah ahi ciangin sang henla a nasepna ah nuamsa hen - hih in Pasian letsong ahi hi.

²⁰Pasian in a lungsim lungkimna tawh kem ahi manin a nuntak sung nite a ngaihsun kha kei hi.