Read Zokam Zailate’ Zaila 2 Bible Online

Zailate’ Zaila 2 - Zokam bible

Zailate’ Zaila 2

¹Sharon ling pal duang ka zila, phaikuam unok pallai ka zil hi e.

²Lingse kawma unok pal zil, lia zatam kal-a ka zunngek aw e.

³Tanggual lakah ka sannemno taampi tulsing zing kawma apple tulsing dungzil e. Tutbang khawlin alim sawlbang bel nuam si’ng e, gah thei bang ka ciap khum zungzung e.

⁴Nunnop zilna saulim nuai-ah kei hong pi ve’n, mu bang ngaihno khaidial tung ciangah a laam hi e.

⁵Zawlgau vei sawlbang vul hi’ng e, lenggah keu tawh ka zaitha zaamsak inla, apple gah thei tawh ka duangtham zenkimsak aw.

⁶Veilam banzal tangkhamin sambang zal ing, ziatlam banzal tawh mawngbang hong kawi hi e.

⁷Jerusalem lianute aw, zangkuam khisa le zuksial ngenin tong hong lel ing. Anbang itna a nian masiah: phawngin thelbang thosak kha na cia.

⁸Na ngaidih ve! Ka sannem aw! Khaubang hong ciah galsialbang va don ve aw. Muallian zui hong zuang vadiang e, mualneu kanin pheiphung khai valian e.

⁹Ka sannem in khisano le zuksa talno dungzil hi e. Maimit suan vaw! Kawmpalhemah hong ding ven, tawhlet pan gal in don ve’n, vathangheng pan maimit hong suan hi e.

¹⁰Ka sannem in ka siangah tong hong lel ven, "Ka zunngek duang kikhai ningniang aw zuangtho inla sangsul bang hong zui ve aw.

¹¹En dih vaw lawm! Phalbi daidam meii bang theng e, tulguah luang zong lenmual hem lam kai ta e.

¹²Pakte hong palh san singseng e, simlei tualah, zaila’n naubang awi hi e; gamleng khuva’n zaila-in hong khim hi e.

¹³Khangthei in gah masa suang ve’n, lenggah gimsi nam viauviau hong laang ta e. Zuang tho-in sulbang hong zui ve aw, ka zunngek ka duangzenno aw" ci e.

¹⁴Lumsuang thepa ka khuvano, mual hema bu khinkianno aw e, na laangmai nel hong hil ve aw, na tongnem hong luan ve aw; na tongdam lah ningbang khum sa’ng, na laangmai lah ngaihbang hiuhiau hi e.

¹⁵Gam ngiate hong matsak aw, gam lenggah teng ngianote’n zubang siasak zota aw, i lenggah teng a pallun laitak hi e.

¹⁶Ka sannemno kei aa hi e, kei zong ama lianem ka hi e; unok pallun a lai ah e, tuu tawh sawlbang heikhawm e.

¹⁷Muikhua zinlai taikhua val ma’n mualphok lum suang palnena khisano le zuksano bang, ka sannem aw ka siang sulbang heinawn aw.