Read Zokam Isaiah 18 Bible Online

Isaiah 18 - Zokam bible

Isaiah 18

¹Cush b[48] gunte dunga a khazap c[49] ging zuahzuah

²tuipi tui tungah singteh gunkuang in thupuaka a sawl gam in gimna thuak ta hen. Kamtaite aw, a tunsang a cinel mite, a nai a gamla-a a kikihtate, kam lamdang zanga galphuang minamte a gam uh gunte in a khenkhapte kiangah manlangin va pai un.

³Leitung mite khempeuh, leitunga tengte khempeuh aw, mualtung ah dialkhai a kikhai ciangin na mu ding uh a, pengkul a kimut ciangin na za ding uh hi.

⁴TOPA in kei tungah, "Nitang sunga a lum hiuhiau bang le anlak nisa-a daitui a paii meii bangin dai dide in ka tenna munah ka om ding hi," hong ci hi.

⁵Ahang in, anlak hun ma a pakteng a pulh khit ciangin a pak teng lenggah min a suah ciangin singheuhna tem in a meng teng heuhkhia dinga, phukin a hiang zaam teng a lakhiamang ding hi.

⁶Mualtung vasate le gamsate an dingin amaute kinusia dinga; vasate in khuakhal sung ne in gamsate in phalbi sung a ne ding uh hi.

⁷Tua hun ciangin Thahatpen TOPA tungah letsong kipuak dinga, a tunsang a cinel mite pan, a nai a gamla-a a kihtakte pan pautuam zang galphuang minam pan le a gam uh gunte in a khenkhapte panin Thahatpen TOPA min omna mun Zion Vum ah letsong a kipuak ding hi.