Read Zokam Isaiah 23 Bible Online

Isaiah 23 - Zokam bible

Isaiah 23

¹Tyre tawh kisai thusuak: Tyre kisia khina inn le tembaw khawlna om nawn lo ahi manin Tarshish tembawte aw, kap vangvang un! Cyprus b[56] gam panin amaute tungah thu a tung hi.

²No tuikulh mite, no Sidon sumbukte - tuipi tunga khualzina haute aw, dai dide un.

³Tui lianpi tungah Shihor antang hong pai hi; Nile c[57] an lakte Tyre phiangsiah suak a, tua mun minamte sumbuk phualpi a suak hi.

⁴Sidon aw, nang, tuipi mun muanhuai tuipi aw, maizum in; ahang in, tuipi in gen khin a: "Keimah in nausuahnat thuakin nau ka suak ngei kei hi; tapa vakin tanu zong ka khansuah ngei kei hi," a ci hi.

⁵Egypt ah thu a tun ciangin Tyre pana a thuzak un amaute a buaisak hi.

⁶Tuikulh a teng mite aw, Tarshish lam kantan unla kah cihtakin kap un.

⁷Hih in note kipahpih a lui lua mahmah khuapi, gamlapi pan zuana na va tenna uh hi lo ahi hiam?

⁸Kumpi lukhu a khusakpa, a sumbawlte uliante vive ahi, a sumbawlte leitunga kithei thamte, hih Tyre tunga thupiang kua geel ahi hiam?

⁹Minthanna hanga kiphatsakna khempeuh niamsakin leitunga kithei tham khempeuh niamkhiat ding Thahatpen TOPA geel ahi hi.

¹⁰Tarshish Tanu aw, Nile luan zui-in a[58] na gam kantanin pai in; nang khawlmun ding om nawn lo hi.

¹¹TOPA in tuipi tungah a khut zan khin ta a, a kumpi-gamte uh a kilingsak hi. Amah in a kulh muanhuaite a kisiat nadingin Phoenicia b[59] tawh kisai thu a pia khin hi.

¹²Amah in, "Sidon Tanu Ngak Bit aw, na nuamsa nawn kei ding hi, tu-in na kisiazan hi! "Cyprus c[60] kantanin paito ta lecin tua lai nangawn ah khawl nading na mu kei ding hi," a ci hi.

¹³Babylon-te d[61] gam en dih in, tu-in hih mite bangmahin kisim nawn lopi! Assyria-te in sehnel-gam - ganhingte omna suah khin uh a, amau ki-umcihna taute a sangsak uh hi; amaute mun muanhuai kalkhia in na kisia a suah uh hi.

¹⁴Tarshish tembawpite aw, na mun muanhuai uh kisia khin ta hi; kap ngutngut un!

¹⁵Tua hun ciangin kumpi hun tan khat ahi kum sawm sagih sung Tyre a kiphawkkha kei ding hi. Ahi hangin hih kum sawm sagihte a bei ciangin numei kizuakte la in:

¹⁶"Numei kizuakte kimangngilh ta hi; harp khat la-in khuapi sung tengah vak kawikawi unla note hong kiphawk nadingin limtakin harp tum kawmin la tampi sa un," a cih bangin Tyre tungah a tung ding hi.

¹⁷Kum sawm sagih a bei ciangin TOPA in Tyre a thudon ding hi. Tuanu kizuakin a kawmte kiang panin kileh dinga, leitung bupa kumpi-gam khempeuh tawh sum a bawl khawm ding hi.

¹⁸Tua hi napi a summet teng le a thalawhsa teng TOPA adingin a kituam koih ding hi; tuate kholtuamin kitang neih thei lo ding hi. A summette, TOPA mai-a omte in kicingtaka a nek ding uh le puan hoih nono a silh nadingun kipia ding hi.