Read Zokam Isaiah 3 Bible Online

Isaiah 3 - Zokam bible

Isaiah 3

¹Tu-in en in, Topa Thahatpen TOPA in, Judah le Jerusalem panin huhna le huhna puakna: an nek ding le tuidawn ding a sikna khempeuh,

²mithahatpa le galhangpa, thukhenpa le kamsangpa thu-magenpa le upapa,

³mi sawmnga ukpa le mi zalianpa, thu lamlakpa le a kiva khutsiam le mi bum siamte a lakhia ta ding hi.

⁴Naupangte amau ulian ka suaksak ding hi; naupang melmawlte in amaute a uk ding uh hi.

⁵Mite khat le khat kinengniam ding uh a, mi khatin khat langpanin a vengpa in a vengpa a langpan ding hi. Uhamte langah khangnote pang ding uh a, mi zahtakhuaite langah mi nautangte pang ding uh hi.

⁶Mi khat in a pa’ inn ah a sanggampa khat manin: "Nang puantualpi na nei hi, nang i makai suak in; hih a sia lompi teng nangmah’n kem in!" a ci ding hi.

⁷Ahi hangin tuani ciangin amah in, "Bangmah hih theih ka nei kei hi, ka inn sungah an nek ding ahikeh puansilh ding ka nei kei hi; mite makai hong hisak kei un," ci-in a awngkhia ding hi.

⁸Jerusalem hoi ta a, Judah a pukpuk hi ta hi; amau kampaute le a gamtatnate un TOPA lang panga, ama minthanna omna a langpan hi.

⁹Amau maisuah in amaute langah teci panga; Sodom bangin amau mawhna a lakkhia hi; a im kei uh hi. Amaute in gimna nak thuak na un cia! Amau le amau a kisiattut uh ahi hi.

¹⁰Amau gamtatna gah nopsakpih ding uh ahi manin a thuman mite tungah, thuhoih ding hi, ci-in gen un.

¹¹Migilote in gimna nak thuak si un cia! Amaute tungah siatna tung tah! Amau khuta a sepna uh tawh kizui-in kithuk kik ding hi.

¹²Khangnote in ka mite nuainet uh a, numeite in amaute a uk uh hi. Ka mite aw, na mapite un lam hong khialhpih khin uh hi; amaute in lam hong pialpih khin uh hi.

¹³Thukhen dingin TOPA tu-a; a mite thu a khen ta ding hi.

¹⁴Upate le a mite makaite langah thukhen dingin TOPA tum a: "Ka lenggui lo a siasak note na hi uh hi; mizawngte na a sut note inn sung pan ahi hi.

¹⁵Ka mite sikcipin mizawngte maitang na gawi uh, bang na cihna uh hiam?" Topa, Thahatpen TOPA in cikhia hi.

¹⁶TOPA in, "Zion numeite kiphasak lua-in, ngawng dok gaakgaaksa-in lam pai uh a, a mit uh hei pampamin kal tom suan toihtoih sa-in a siakbulhte uh a gingsak salsal uh hi.

¹⁷Tua ahi ciangin Topa in Zion numeite a lutunguah meima veisak a; TOPA in a luzang vun uh a tolsak hi," a ci hi.

¹⁸Tua ni ciangin Topa in amau kizepna hoihte: banbulhte le lutuamte le khade lim ngawngawhte,

¹⁹bilbahte le taute le maikhuh dialte;

²⁰lukhuhte, siakbulhte, kawngtente, gimnamtui tholte le aibawmte,

²¹min gelhna zungbuhte le nakbahte,

²²puantual hoihte le puanvaante le puantualpite, sumbawmte le

²³limlangte, saihadial puante le dialkhipte le silhthuahdialte a hawkkhiat mangsak ding hi.

²⁴Gimnamtui tangin uihnam hi dinga; kawnggak tangin khauhual, sam bawl sinsen tangin lutol; puan hoih tangin ippi puan, mel hoih tangin pawnsia hi ding hi.

²⁵Na mite namsau-in puk ding uh a, na galhangte gal sungah a si ding uh hi.

²⁶Zion kongpite taamlo-in thum ding uh a; a hawm guakin tuanu leitual ah a tu ding hi.