Read Zokam Isaiah 38 Bible Online

Isaiah 38 - Zokam bible

Isaiah 38

¹Tua hun laitakin Hezekiah a ci na in a si dektak hi. Amoz tapa kamsangpa Isaiah a kiangah va pai-a, TOPA gen hih ahi hi: Na inn sung omzia ding vaihawm in, bang hang hiam cih leh nang na si ding hi; na dam kik zo nawn kei ding hi;" a va ci hi.

²Hezekiah kawmlam nga-in TOPA tungah thu ngen a,

³"TOPA aw, na mai-ah muanhuaitakin ka om a, ka lungsim neihzahin nangma tungah kong ki-ap hi; nangma muhna ah a hoih a ka gamtat lam hong phawk in," a ci hi. Tuateh Hezekiah kahcih-takin a kap hi.

⁴Tua ciangin Isaiah tungah TOPA thu tunga:

⁵"Pai inla Hezekiah kiangah, ‘Hih in TOPA na pa David Pasian gen ahi hi: Na thungetna ka za khin a na khituite ka mu khin hi; na nuntakna kum sawm le nga kisotto hi.

⁶Tuateh keimah in Assyria kumpipa khut panin nang le hih khuapi ka hukhia ding hi. Hih khuapi ka humbit ding hi.

⁷"‘TOPA in hong ciamsa hong tunsak nading TOPA lim hih ahi hi:

⁸Ahaz kahlei tungah a liap suksa niliap kalsawm ka kilek kiksak ding hi,’ ci hi," a ci hi. Tua ciangin a liapsuksa nitang kal sawm a kileh kik hi.

⁹Judah kumpipa Hezekiah in a natna a damkik khita a gelh:

¹⁰"Ka thatun laitakin sihna a[88] kongpi-ah ka lut kul ta ding hi, ka kum omlai teng hong kisut ahi ta ve maw?" ka ci hi.

¹¹"TOPA mu kik nawn lo ding, a nungtate gamah TOPA mu lo ding; mihingte en kha nawn lo ding ahikeh tu-a leitunga b[89] omte tawh teeng khawm nawn lo ding hi ta’ng ei!" ka ci hi.

¹²Tuucingpa puanbuk bangin ka inn hong kikaihpuksakin hong kilakkhiatsak hi. Siam gante bangin ka nuntakna ka zialkhia a, amah in siambu panin kei hong atkhia a, sun le zanin ka nuntakna a beisak hi.

¹³Zingsang phalvak nisuah dong ka ngak keikai hangin humpinelkai bangin ka guhte sutanin sun le zanin hong beisak ding na hi hi.

¹⁴Phialphiah ahikeh zangva bangin ka hama, kawl vakhu bangin ka thum hi. Vantungte ka etetna-in ka mitte a nguigawp hi. Ka lungkham hi; Topa aw, kei huh dingin hong pai in!

¹⁵Ahi hangin ken bang genthei ka hi hiam? Amah in kei hong hopih a, amah in a sem pah hi. Hingim lua ka hi manin ka mailam hun khempeuh kiniamkhiatin ka pai ding hi.

¹⁶Topa aw, hici bangin mihing a nungta hi; ka kha zong tuate lakah a nungta hi. Nang hong damsak inla hong nungtasak in.

¹⁷Hici bang lungtawlna ka thuaka kei adingin metna taktak ahi hi. Kei hong itin siatna khuk panin nong kem hi; ka mawhnate khempeuh na nungngatsan hi.

¹⁸Ahang in, hankhuk a[90] in nang hong phat thei lo a; sihna in nang hong phatna sa thei lo hi; tua kuakhuk sunga paisukte in na muanhuaina a lamen thei kei uh hi.

¹⁹A nungtate, a nungtate - bek in tuni-a kei hih bangin amaute in nang hong phat thei uh hi; pate in amau tate tungah na muanhuaina a gen ding uh hi,

²⁰TOPA in kei hong hon dinga, i nuntak laiteng TOPA biakinnpi sungah khausai tumtheihte in la i sa ding hi.

²¹Tua ciangin Isaiah in, "Theinai su inla meimatum nuh lecin a dam ding hi," a ci hi.

²²Hezekiah in, "TOPA biakinnpi-a ka paitoh nading bang lim hi ding hiam?" ci-in a dong khin hi.