Read Zokam Isaiah 55 Bible Online

Isaiah 55 - Zokam bible

Isaiah 55

¹No a dangtakte khempeuh aw, hong pai un, tui hong zuan un; no sum nei lote aw, hong pai-in lei unla ne un! Hong pai unla sum pia lo man nei loin bawngnawi le lenggahzu lei un.

²Anlum leina loin bang hangin sum zanga, gilvahna ding lopi-in na sem na hi uh hiam? Ngai un, ka thu ngai-un, anlim ne un, na hinna un anlim pen ne-in a tai ding hi.

³Na bil uh hong ngat unla kei hong zuan un; na nuntak theih nadingun ka thu ngai un. David tungah a muanhuai itna ka ciam bangin note tawh tawntung thukhun ka bawl ding hi.

⁴En un, mite tungah amah teci suaksakin mite makai le ukpa ka hisak ding hi.

⁵Note in na theih loh uh minamte na sam ding uh a, TOPA note Pasian Israel-te Siangtho Pa in note hong thupisak khin ahi manin note hong thei lo minamte in kintakin note hong zuan taktak ding uh hi.

⁶A kimuh theih lai-in TOPA zong un, amah a nai lai-in sam un.

⁷Tatsiapa a gamtat nusiasak unla, a gilopa a lungsim kheelsak un; TOPA lamah kiheisak le uh cin amah in lainat dinga, eite Pasian lamah na kiheisak uh leh amah in a mawhna maisak pha mahmah ding hi.

⁸"Ahang in, no ngaihsutte kei ngaihsutna hi lo a, no zialetongte kei zialetongte a hi kei hi," TOPA in cikhia hi.

⁹"Leitung sangin vante a sanzawk bangin no zialetongte sangin kei zialetongte sangzaw a, no ngaihsutnate sangin kei ngaihsutna sangzaw hi.

¹⁰Khaici vawhpa khaici ding le a ne pa anlum ding a piansak theih nadingin vantung panin guah le vuk kiasuka, leitung buakkawtin kungnote mengin selsak loin a kileh loh bangin

¹¹ka kam pana pusuaksa ka kammal zong tua bang ahi hi; a hawmin kei kiangah hong kileh lo dinga, ahi hangin ka deih bangin tungsakin ka sawlna ah lawhcing ding hi.

¹²Gual nuamin na kuankhia ding uh a, lungnuamin hong kipaikhiatpih ding hi; note mai-ah mualliante le mualneute la sa in awng ding uh a, lo lai-a singkung khempeuh in khut beng ding uh hi.

¹³Lingkung tangin takkung po dinga thangling kung tangin muikung a po ding hi. Hih in a tawntunga TOPA kiphawkna a kisusia ngei lo a kipden lim hi ding hi.