Read Zokam Isaiah 60 Bible Online

Isaiah 60 - Zokam bible

Isaiah 60

¹"Na khuavak hong tung zo-a, tho inla tang in; TOPA minthanna nang tungah hong suak ta hi.

²En in, khuamial in leitung tuama, khuamial sahpi in mite a tuam hi; ahi hangin nang tungah TOPA hong suakin ama minthanna nang tungah kilang hi.

³Minamte in na khuavak hong zuan ding uh a, kumpite in na phalvak tangpha hong zuan ding uh hi.

⁴"Dakto inla en kawikawi in: A vekpi-un kikaikhawmin nang hong zuan uh hi; gamlapi pan na tapate hong pai uh a, na tanute ong khuttawi uh hi.

⁵Tua ciangin enin na maitaang dinga na lungtang kisai-in lungnuamin a khang ding hi; tuipi tunga hauhnate na tungah hong kipuak dinga, minamte hauhna in nang hong zuan ding hi.

⁶Midian-te le Ephah-te kala-oh note, kala-oh honte in na gam a tuam ding hi. Kham le gim namtui pua-in TOPA phatna tangko-in Sheba a om khempeuh hong pai ding uh hi.

⁷Kedar tuuhonte khempeuh nang kiangah hong kipuak dinga, Nebaioth tuutalte in nang na semin, ka biakna-tau ah biakna-in kisang dinga, keimah in a minthangsa ka biakinnpi ka zem ding hi.

⁸"Meii lakah leng a, a bu zuan kawlvakhu tawh a kibang kuate ahi hiam?

⁹Tuikulhte in kei lam hong en takpi uh a; Tarshish a[127] tembawpite in makaih hi; amah in thupina nang hong pia khin ahi manin, Israel-te Siangtho Pa na Pasian le TOPA a pahtawi dingin a ngun a kham uh tawh na tapate uh a gamlapi panin hong puak ding hi.

¹⁰"Gamdang mite in na kulhte uh ciang kik ding uh a, a kumpite un na na uh sem ding uh hi. Hehna-in nang kong sat hangin, kong angvanna-in ka khuatuahna kong lak hi.

¹¹Mite in minamte hauhna hong puak theih nading - a kumpite un makaihin a gualzawhna tawh a gualguala hong lut nadingun na kongpite uh honsa-in om den dinga, sun le zanin a kikhak ngei kei ding hi.

¹²Ahang in, nang na a sem lo minam ahikeh kumpi-gam peuhmah mangthang dinga; a kisiamang ding hi.

¹³"Lebanon minthanna - taksing, hiangpa sing le taksan singte khempeuh, ka mun siangtho a kilawmsak dingin na kiangah hong tung dinga; ka khepek ngakna mun ka minthangsak ding hi.

¹⁴Nang hong nengniamte’ tapate na mai-ah kunsa-in hong pai ding uh a; nang hong simmawhte khempeuh na khephungah bokin TOPA khuapi, Israel-te’ Siangtho Pa’ Zion hong ci ding uh hi.

¹⁵"Hong kimudahin hong kinusia a, kuamah in khualzinna-in hong tot loh hangin a kisathei den le khang tawntunga nuamsa-in kong bawl ding hi.

¹⁶Minamte’ nawi na dawn ding uh a, kumpi nawitui-in na kivak ding uh hi. Tua ciangin TOPA keimah note Honpa note Tanpa, Jacob Thahatpen Pa ka hilam nong thei ding uh hi.

¹⁷Sumngo tangin kham, sik munah ngun kong puak ding hi. Sing tangin sumngo, suang munah sik kong puak ding hi. Na gam-ukpa uh lemna ka suaksak dinga, na ukpa uh thumaanna ka suaksak ding hi.

¹⁸Na gam sungah ngongtatna kiza nawn lo dinga, na gamgite ah siatna le suksiatna om loin, na kulhte Hotkhiatna ci-in, na kongpite Phatna na ci ding hi.

¹⁹TOPA pen a tawntunga na khuavak hi-in, Na Pasian, na minthanna hi ding ahi manin, sunin na khuavak ni hi nawn lo dinga, khapi tanna in nang hong tan nawn kei ding hi;

²⁰Na ni tum kik ngei nawn lo dinga, na khapi a mang nawn kei ding hi; TOPA na khuavak hi tawntung dinga, na dahna nite a bei ding hi.

²¹Tua ciangin na mite khempeuh thumaan ta ding uh a, amaute in tua gam a nei den ding uh hi. Ka thupina a kilat nadingin, amaute ka khuta ka sep ka suansa pana selte hi ding uh hi.

²²Note a tawmpen tul khat na pha ding uh a, a neu penpen minam thahat na suak ding uh hi. Keimah TOPA ka hi hi; a hun ciangin hih thu manlangtakin ka sem ding hi," a ci hi.