Read Zokam Siampi Laibu 21 Bible Online

Siampi Laibu 21 - Zokam bible

Siampi Laibu 21

¹TOPA in Moses tungah, "Siampi Aaron tapate hopih inla amaute tungah: ‘Siampi khat a mite lakah misi khatpeuh

²tanau kinaipih - a nu ahikeh a pa, a tanu ahikeh a tapa, a sanggampa

³ahikeh pasal a neih loh mana ama khoisa-a om pasal nei nai lo a sanggamnu - tua bang a sanggamnu hangin amah asianglo kisuah kha ding hi; tuate bang ahi kei ngal leh a sianglo kisuaksak kei hen.

⁴Zi-le-ta b[48] a kineihna hanga kitanauna tawh kisai-in amah le amah asianglo kisuaksak peuhmah kei hen.

⁵"‘Siampite in a sam uh met lo, a khamul uh zong tantom loin a pumpi uh zong a atkeh kei ding uh hi.

⁶A Pasian uh tungah amaute siangtho ding uh a, amaute Pasian min a daisak kei ding uh hi. Bang hang hiam cih leh amaute in amau Pasian an TOPA tungah meihal biakna pia uh ahi manin amaute a siangtho ding uh hi.

⁷"‘Amaute in a kizuak ahikeh a pasalte uh maksa - a buahsa numei a tenpih peuhmah kei ding uh hi; ahang in, siampite amau Pasian tungah a siangtho uh hi.

⁸Amaute a siangtho bangin ngaihsun un, bang hang hiam cih leh na Pasian uh an a lui amaute ahi uh hi. Amaute a siangtho-in ngaihsun un, bang hang hiam cih leh note hong siangthosak c[49]TOPA keimah ka siangtho hi.

⁹"’Siampite tanu khat kizuakin amah le amah a kinitsak leh a pa a daisak ahi hi; tuanu mei-in kihal pelmawh ding hi.

¹⁰"‘Tulpipa, a sanggam pasalte laka, a lutungah nilh sathau kibuak-a, siampi puante silh dinga a kikipsaksa pa in a sam hiat loh d[50] in koih lo dinga, a puan zong a balkek kei ding hi.

¹¹Amah misi luang omna munah a lut peuhmah kei ding hi. A nu ahikeh a pa hang nangawnin amah le amah kininsak lo dinga,

¹²ama Pasian mun siangtho nusia lo tham loin a thanghuaisak kei ding hi; bang hang hiam cih leh ama Pasian’ nilh sathau-in amah a ki-apsa ahi hi. Keimah TOPA ka hi hi.

¹³"‘Amah tenpih numei pen nungak bit hi pelmawh ding hi.

¹⁴Meigong, a kimasa numei, ahikeh a kizuak a ninsa numei tawh kiteng peuhmah lo dinga, ahi hangin ama mipih nungak bit tawh a teng ding hi;

¹⁵tua pen ama mipihte lakah a suan-le-khakte a buahsak loh nading ahi hi. Keimah TOPA amah a siangthosakpa ka hi hi,’ e[51] ci in," a ci hi.

¹⁶TOPA in Moses tungah

¹⁷Aaron tungah: ‘Khang sawnsawnte adingin na suan-le-khakte in melhemna a nei peuhmah in ama Pasian an pia-in a kiang a naih kei ding uh hi.

¹⁸Melhemna a nei mi kuamah ka kiangah hong pai thei lo ding hi, tuate: mittaw ahikeh khebai, mi cinglo ahikeh poina a nei;

¹⁹khut poi ahikeh khe poi,

²⁰ahikeh nungkul ahikeh a tuntom, ahikeh mitphoi, ahikeh meima nasia ahikeh meima nai luangluang ahikeh ciltang kitam-te ahi hi.

²¹Siampi Aaron suan-le-khakte melhemna a nei peuhmah in TOPA mai-ah mei-a hal biakna pia dingin a naih thei kei ding uh hi. Poina khat a neih leh; Pasian an lui dingin a kiangah a pai peuhmah kei ding hi.

²²Amah in Pasian an siangtho pen le an siangtho a ne thei ding hi;

²³ahi hangin a poina hangin puanzak naih ah pai peuhmah loin biakna-tau naih lo dinga, ka mun siangtho a buahsak peuhmah kei ding hi. Keimah amaute a siangthosak TOPA ka hi hi,’ ci in," f[52] a ci hi.

²⁴Tua khit ciangin Moses in Aaron le a tapate le Israel-te khempeuh tungah a gen hi.