Read Zokam Siampi Laibu 22 Bible Online

Siampi Laibu 22 - Zokam bible

Siampi Laibu 22

¹TOPA in Moses tungah,

²"Aaron le a tapate tungah gen in, amaute in ka min siangtho a daisak loh nadingun Israel-te in kei tungah biakna siangtho-a hong apte uh zahtakna tawh a san dingun hilh in. Keimah TOPA ka hi hi.

³"Amaute kiangah: ‘Hong tung lai ding khangte ah na suan-le-khakte khatpeuh thukham ngeina-in a nin hi napi Israel-te in TOPA tungah biakna-a a ap uh a siangtho nate nai-ah a pai leh tua mipa ka muhna ah kithat ding hi. Keimah TOPA ka hi hi.

⁴"‘Aaron suante in a kilawh thei vun natna g[53] ahikeh a pumpi pana pawt a neih leh amah a sian matengin biakna-a kipia a siangthote a ne kei ding hi. Misi luang sukha-a a buah khatpeuh ahikeh a bawtui pai khatpeuh in a buahsak khatpeuh a lawnkhak leh

⁵ahikeh amah a sianglosak thei a bokvak ganhing peuhmah ahikeh amah a siang losak mi khatpeuh, sianlohna khatpeuh a piangsak na a lawnkhak leh amah zong a sianglo ahi ding hi.

⁶Tua nate khatpeuh a lawngkhate nitak mateng a sianglo hi ding hi. Amah tui-in a kipumsil kei leh biakna-a kipia a siangthote a ne peuhmah kei ding hi.

⁷Ni a tum ciangin asiang hi dinga, tua khit ciangin biakna-a kipia a siangthote a ne thei pan ding hi, ahang in, tuate ama an ahi hi.

⁸Amah in a sisa-a kimu ahikeh gamsa nekbangte ne-in, tuate hangin a sianglo a kisuaksak peuhmah kei ding hi. Keimah TOPA ka hi hi.

⁹"’Ka thukhamte simmawhin khiala a sih loh nadingun siampite in ka thuhilhna a zui ding uh hi. Amaute a siangthosakpa a[54] keimah TOPA ka hi hi.

¹⁰"‘Siampi innkuan sung a hilo a pualam mi khatpeuh, siampipa lengla pa ahikeh nasem-a a cialte in a siangtho biakna-a kipiate a ne thei kei ding uh hi.

¹¹Ahi hangin siampipa in sumin sila a lei a, ahikeh a inn sunga suak sila ahileh tua sila in a ma an a ne thei ding hi.

¹²Siampipa tanu khat in siampi a hi lo adang khat pasal-a a neih leh tuanu in biakna-a kipia a siangthote a ne thei kei ding hi.

¹³Siampipa tanu khat meigong a suak ahikeh ta nei nai loin a kimaka a neutunga a omna a pa inn ah a nawkik leh a pa an nek a ne thei ding hi. Nek theihna thu nei lopi-in kuamah in tua ante khat beek a ne thei kei ding hi.

¹⁴"‘Mi khatpeuh in biakna-a kipia a siangthote a nek khialh khak leh amah in siampipa tungah biakna a kipia zah loh kik tektekin a manzah sehnga suah seh khat piak beh lai ding hi.

¹⁵Israel-te in biaknate in a siangtho-a TOPA a piakte uh siampite in buahsak peuhmah lo ding uh a,

¹⁶tua bangin amaute biakna siangthote nek ding phalna le liau nading khialhna amaute tungah a tungsak kei ding uh hi. Keimah TOPA note a siangtho-a hong bawlpa ka hi hi,’ ci in," a ci hi.

¹⁷TOPA in Moses tungah,

¹⁸"Aaron le a tapate le Israel-te khempeuh hopih inla amaute tungah: ‘Note khatpeuh Israel mite khat ahikeh Israel-te laka teng pemtate khatpeuh in TOPA tungah meihal biakna ahikeh kiciamna khat tangtun nading ahikeh utthu-a biakna-a a piak leh,

¹⁹nang tanga a kisang thei dingin bawnghon tuuhon ahikeh keelhon panin a sitbaang lo apa khat na pia tektek ding uh hi.

²⁰Sitbaanna a nei na khatpeuh pia kei un, bang hang hiam cih leh nang tangin a kisang thei kei ding hi.

²¹Mi khatpeuh in kiciamna tuamkai khat a tangtunsak nading ahikeh utthu-a biakna-in TOPA tungah ganhon ahikeh keelhon panin kilawmtakna biakna b[55] a piak leh a kisang thei dingin poina a nei lo ahikeh a sitbaang lo hi ding hi.

²²TOPA tungah a mittaw peuh, a liamsa ahikeh melhemna a nei ahihkeh civom khatpeuh a nei ahikeh meima naiphual ahikeh meima nai luang kimlai peuh pia kei un. TOPA tungah mei-a hal biakna-in hihte khatpeuh biakna-tau tungah koih kei un.

²³Bangbang ahi zongin utthu-a biakna dingin bawngtal c[56] khat ahikeh tuu khatpeuh a melhem ahikeh a khanciip na pia thei hi, ahi hangin kiciamna khat tangtunsak nadingin a kisang thei kei ding hi.

²⁴TOPA tungah ganhing a cil dulh ahikeh a zansa, akeh ahikeh a ki-at keksa khatpeuh na pia kei ding uh hi. Na gamsung uah tua bang na hih peuhmah kei ding uh hi;

²⁵gamdang mite khut panin tua bang ganhingte sang loin na Pasian uh an dingin tuate na pia peuhmah kei ding uh hi. Note tangin tuate hong kisang lo ding hi; bang hang hiam cih leh tuate melhemin poina a nei hi,’ ci in," a ci hi.

²⁶TOPA in Moses tungah,

²⁷"Bawngtal khat, tuuno khat ahikeh keelno khat a suah ciangin a pi tawh ni sagih sung kithuah ding hi. A nigiat ni-a kipan TOPA tungah mei-a hal biakna-in kisang thei ta ding hi.

²⁸Bawngpi ahikeh tuupi a no tawh ni khat sungin go khawm kei un.

²⁹"TOPA tungah lungdamkohna-a biakna na piak uh ciangin note tanga kisang thei dingin hih bang zia-in biakna pia un.

³⁰Tua ni mah in kigai khin tektek ding hi; a zingsang dong sit kei un. Keimah TOPA ka hi hi.

³¹"Kong thupiakte zui-in tang un. Kemah TOPA ka hi hi.

³²Ka min siangtho daisak kei un. Ka siangtho bangin Israel-te in hong sang pelmawh ding uh hi. Keimah in note hong siangtho d[57]sak e[58]TOPA ka hi a,

³³note Pasian ahi dinga Egypt pana hong paikhiatpihpa ka hi hi. Keimah TOPA ka hi hi," a ci hi.