Read Zokam Jeremiah 12 Bible Online

Jeremiah 12 - Zokam bible

Jeremiah 12

¹TOPA aw, nang tungah thu kong tut ciangin na thumaan tawntung hi. Tua hita leh na thutang thu kong kikuppih nuam lai hi: Bang hangin migilote daupai uh ahi hiam? Bang hangin upna nei lo khempeuh nuamtakin om uh ahi hiam?

²Amaute nangma suansa hi uh a, amaute in zungkha-in khangin a gah uh hi. A kamun hong gen den napi a lungsim uh tawh na kigamla hi.

³Tua hita leh TOPA aw, kei nong thei a; hong mu-in kong ngaihsutna nong sittel hi. A kisehsat ding tuu bangin amaute kaikhiagawp in! A kigawh ding uh ni ngakin tangkoihkhia in!

⁴Bangtan vei gamsung vuaigawpin a[23] lo sunga lopate vulgawp lai ding ahi hiam? Bang hang hiam cih leh tua gama tengte gilo uh a, vasate le gamsate mangthang khin ta uh hi. Tua tham loin mite in, "Ei tunga piangte hong mu kei na’nteh," ci uh hi.

⁵"Mite tawh tai kidem a, nang hong bahsak uh ahileh sakol bangci dem theih ding na hi hiam? Gamsung b[24] a nopna ah kimuktu na hileh Jordan gei-a c[25] gampha lakah bang suak ding na hi hiam?

⁶Na sanggamte le na innkuanpihte - amaute nangawn in nang hong lehhek uh a; nang hong langpangin nakpi-in awng uh hi. Hong phatgen uh hangin muang kei in.

⁷"Ka inn ka nusia-a ka gouluahte ka phiatmang ta hi; Ka it ka mite, tuanu galte khut sungah ka pia ding hi.

⁸Ka gouluahte kei tungah tulaka humpinelkai bang uh hi. Tuanu in kei hong hawksana, tua ciangin ka mudah hi.

⁹Ka gouluah dingte kei tungah sasial ne vasa gial khat, sasial ne vasa dangte in a kimkot pan a tuk nainai uh bang hi lo hiam? Pai-in gamsa gilote khawm inla, a valhtum ding hong puak in.

¹⁰Tuucing tampi in ka lenggui lo susia ding uh a, ka lo a tuancilgawp ding uh hi; a nuam mahmah ka lo a kikhul lotul a suaksak ding uh hi.

¹¹Lotul kisuaksakin lei gawtakgawp a, ka muhna-ah kinusia-in a kem ding om lo ahi manin gambuppi kinusiacip hi.

¹²TOPA namsau in gammong khat panin mong khat dong a vatmai nadingin sehnel-gam khosang khempeuh panin a susiate hong kuan ding uh a; khat beek a suakta kei ding uh hi.

¹³Amaute in mangbuh a vawh uh hangin lingkungte at ding uh a; amaute a hahkat luat uh hangin bangmah a lawhtak kei ding uh hi. Tua ciangin TOPA hehluatna hangin maizumna bek na kaikhawm ding uh hi," a ci hi.

¹⁴TOPA gen hih ahi hi, "Ka mi Israel-te ka piak gouluah a matsak ka veng migilote; amaute leitang panin ka botkhia dinga, amaute laka Judah innkuante ka botkhia ding hi.

¹⁵Ahi hangin ka bawhkhiat khit ciangin amaute khuatuah kikin ama gam a luahna munuah ka puak kik ciat ding hi.

¹⁶Tuateh ka mite omzia a sin ding uh a, Baal tunga kiciamzia ding ka mite nangawn a hilh bangun - ‘TOPA nuntakna lo-in,’ ci-a na kiciam uh leh - tua ciangin ka mite lakah amaute ka kipsak pan ding hi.

¹⁷Ahi hangin minam khat peuhpeuh in ka thu a ngaih kei leh ka botkhia kiuhkeuh dinga, ka susia ding hi," TOPA in cikhia hi.