Read Zokam Jeremiah 20 Bible Online

Jeremiah 20 - Zokam bible

Jeremiah 20

¹Jeremiah in hih thute a gen TOPA biakinnpi ukpipa Immer tapa, siampi Pashhur in a zak ciangin

²kamsangpa Jeremiah satin kolbulh a, Benjamin Kongpi Saknung a TOPA biakinnpi ah a koih hi.

³A zingciang, Pashhur in a kol a sutkhiat ciangin Jeremiah in, "TOPA in na min Pashhur ci nawn loin Magor - Missabib b[34] hong ci ta hi.

⁴Ahang in, hih in TOPA gen ahi hi: ‘Nang le na lawmte lau nadingin kong bawl dinga a galte un namsau in amaute a thah uh na mu ding uh hi. Judah-te khempeuh Babylon kumpipa tungah kipia dinga amah in Babylon ah paipih in namsau in a that ding hi.

⁵Galte khutah hih khuapi hauhna khempeuh - a piang khempeuh, van manpha khempeuh le Judah kumpite goupi khempeuh a piakhia ding hi. Amaute in

⁶galvan matin la-in lamang ding uh a, Babylon ah a tun ding uh hi. Tuateh nang Pashhur le na inn a na ompih khempeuh Babylon ah salin hong kikai ding hi. Tua lai-ah nang le na lawmte in zuau kamsanga na genna uh mite khempeuh na si ding uh a, hong kivui ding hi,’ ci in," hong ci hi.

⁷TOPA aw, kei nong khem c[35] a, kei hong kikhem d[36] ahi hi; kei sangin nang na hatzaw a, kei nong zo hi. Sun nilohin ciamnuihna-in hong kinei a, a kuamahpeuh in hong selnoh uh hi.

⁸Ka paukhiat nak leh ngongtatna le siatna ka tangko khia hi. Tua ahi ciangin TOPA kammal ka genkhiatna hangin sun niloh-in hong ki-engko a hong kisimmawh hi.

⁹"Amah genkha nawn kei ning, ama min lo nawn dah ning ka cih hangin lah ama thu ka lungtang ah mei bangin kuanga ka guh sung hong zen hi. Ka ki-ipipna-in ka gima, gen loin ka om thei peuhmah kei hi.

¹⁰Hong huau tampi ka za a, "Kim le pam ah launa bekbek! Amah hek un! Amah hek un!" hong kici hi. Ka lawmte khempeuh in ka puk ding hong pang gige kawmin, "Amah i khem zo kha ding hi; khem zo leng amah i zo pah dinga a phu i la zo ding hi," kici uh hi.

¹¹Ahi hangin TOPA in a thahat galhangpa bangin kei hong ompih hi; tua ciangin kei hong bawlsiate muktu-in hong zo lo ding uh hi. Amaute gal lelin zahlak gawp ding uh a, amaute thuman’lohna a kimangngilh ngei kei ding hi.

¹²Thahatpen TOPA aw, nang in a thumaante na encian a, lungsim le ngaihsutna na sittel hi, ka thu nang tung hong tun khin ka hi manin, amaute tunga na phulakna kei hong musak in.

¹³TOPA la sak un! TOPA pahtawi un! Amah in migilote khut panin a kitasamte nuntakna a hu hi.

¹⁴Ka suah ni kihamsiat ta hen! Ka nu in kei hong suah ni in thupha ngah kei hen!

¹⁵Ka pa, thuthak va zasaka, lungdamsak mahmah in, "Ta khat nei cin, pasal hi ei!" ci-a a va kopa in hamsiatna thuak ta hen.

¹⁶TOPA in hehpih lo-a a lotthal khuapite tawh tua mipa kibang hen. Amah in zingsangin kahna aw za henla sunin galsimna aw za ta hen.

¹⁷Ahang in, amah in ka nu gilsung ah hong sisak loin, ka nu, ka hankhuk suaksak lo-a, a gil sungah hong omsak suak kei hi.

¹⁸Bang hangin lungkhamna le dahna mu ding le maizumsa-a si dingin ka nu gil pan suakkhia laizang ka hi hiam?