Read Zokam Jeremiah 21 Bible Online

Jeremiah 21 - Zokam bible

Jeremiah 21

¹Kumpipa Zedekiah in Jeremiah kiangah Malkijah’ tapa Pashhur le Maaseiah’ tapa siampi Zephaniah a sawl ciangin ama tungah TOPA thu a tung hi:

²"Babylon kumpi Nebuchadnezzar a[37] in kote hong sim ahi manin ko adingin TOPA thu hong dotsak in. Ko kiang pan amah a nung kik nadingin TOPA in a beisa huna a hih bangin nalamdang khat hong bawlsak kha ding hi," a ci hi

³Ahi hangin Jeremiah in amaute kiangah, "Zedekiah kiangah gen in,

⁴‘Hih in Israel Pasian TOPA gen ahi hi: Kulh pua a no hong umcih Babylon kumpipa le Babylon mite b[38] na dona uh - na khut sungua galhiamte, no lehdona-in ka zangsak ding hi. Tua ciangin amaute khuapi sungah ka khawm ding hi.

⁵Kei mahmah in hehsa lungsosa thangpai mahmah kawmin a thahat ka khut ka zankhia dinga note kong do ding hi.

⁶Hih khuapi sunga teng - a mihing a ganhingin ka sattukkhawm dinga - amaute a lauhuai pulpi-in a si ding uh hi.

⁷Tua khit ciangin TOPA in, ‘Judah kumpipa Zedekiah, a uliante le hih khuapi mi - pulpi, namsau le kialpi pana suakta lai sun teng tawh amaute a that nuam Babylon kumpipa Nebuchadnezzar le a galte uh tungah ka pia ding hi. Amah in hehpih lo, lainat lo, khuatuah loin namsau in a that ding hi,’ ci hi.

⁸"Tua banah mipite tungah, ‘Hih in TOPA gen ahi hi: Keimah in note mai-ah sihna lampi le nuntakna lampi ka koihkhawm hi.

⁹Hih khuapi sunga a om peuhmah namsau, kialpi le pulpi-in a si ding uh hi. Ahi hangin paikhia-a a umcih Babylon mite tungah a lut peuhmah nungta dinga; a nuntakna a suahtak ding hi.

¹⁰Hih khuapi hoih nading hilo a nat nadingin ka khentat khin hi,’ TOPA in cikhia hi. Babylon kumpipa khutah ka pia dinga amah in mei-in a susia ding hi.

¹¹"Tua tham loin Judah kumpipa innkuante tungah gen inla, ‘TOPA thugen za un,

¹²David innkuante aw, hih in TOPA gen ahi hi: "‘Zingsang simin thutangin thu khen unla, a nengniampa khut panin a kisutgawppa hukhia un; tua hi kei leh na bawlsa uh gitlohna hangin ka thangpaihna mei bangin kuang dinga kuamah in a sumit zo kei ding hi.

¹³Mualkuam zang panin sangtuam a, suangmual zangtam-a om Jerusalem aw, nang kong langpan hi, TOPA in cikhia hi - nang in, "Eite langkhatah kua pang zo ding hiam, bukna ah kua lut thei ding hiam?" a cipa na hi hi.

¹⁴Nangma sepsa tawh kituakin dan kong tuaksak ding hi, TOPA in cikhia hi. Na tulak uh mei in ka hal dinga, tua in note kimkota khempeuh a kangtummang ding hi,’ ci hi," a ci hi.