Read Zokam Jeremiah 25 Bible Online

Jeremiah 25 - Zokam bible

Jeremiah 25

¹Babylon ah Nebuchadnezzar kumpi a suah a kum masapen kum, Judah gamah Josiah tapa Jehoiakim kumpi a suah zawh a kum lina kumin Judah mi khempeuh tawh kisai-in Jeremiah tungah thu a tung hi.

²Tua ciangin kamsangpa Jeremiah in Judah mi khempeuh le Jerusalem a teng mi khempeuh tungah:

³Amon tapa Judah kumpipa Josiah, kumpi a suah zawh a kum sawm le thumna pan tuni mahmah dong - kum sawmnih le thum sung - TOPA thu kei tungah hong tunga, no tungah kong gen kikkik hangin na ngai kei uh hi.

⁴TOPA in ama nasem kamsangte hong sawl kikkik taleh note in na ngai tuan kei uh a zong na thusim kei uh hi.

⁵Amaute in,"Note na gitlohna uh le na gamtatsiatna panun na kikhel ciat uh leh TOPA in note le na pate uh tungah na ten tawntung nadingun hong piaksa gamah na teng thei ding uh hi.

⁶Adang pasiante nung zui loin a na sem kei unla bia kei un; na khut-ua na bawlsate uh tawh kei hong hehsak kei un. Tua ciangin note kong nasak kei ding hi."

⁷"Ahi hangin ka thu na ngaih kei uh leh, "TOPA in cikhia hi,"Na khutua na bawlsate uh tawh kei nong hehsak uh leh, no le no a kinasak na suak uh hi," hong ci hi.

⁸Tua ahi ciangin Thahatpen TOPA gen hih ahi hi: "Note in ka thu hong mang lo na hi manun,

⁹leilu-lam mi khempeuh le ka nasem Babylon kumpipa Nebuchadnezzar ka vaikhak dinga, hih gam le a sunga teng mi khempeuh le a kima om minamte, a sim dingin ka kuansak ding hi, TOPA in a ci hi. Amaute ka susia a[50] khin kiuhkeuh dinga, mite simmawh le mite huat suaksakin a kisiacip den ding uh hi.

¹⁰Lung nopna le lungkimna awte, zi nei thakpa le mothaknu awte angawina ging le meivak tangte ka beisak ding hi.

¹¹A gambuppi-in gamtul le gam simtham suak dinga hih minamte in Babylon kumpipa’ na kum sawmsagih sung a sem ding uh hi.

¹²"Ahi hangin kum sawmsagih a cin ciangin Babylon kumpipa le ama minam, Babylon mite b[51] gam amaute khialhna hangin dan ka thuaksak dinga a tawntungin a kinusiacip ding hi, TOPA in cikhia hi.

¹³Tua gam kisiat nadinga ka gensa khempeuh, hih laibu sunga kigelhsa khempeuh, Jeremiah in minamte tungah tung dinga a genkholhsa khempeuh ka tungsak ding hi.

¹⁴Minam tampite le kumpi liante tungah amau le amau salin kipia ding uh a; amau gamtatsate le a khutun a sepsate uh tawh kizui-in ka thuk kik ding hi" a ci hi.

¹⁵TOPA Israel Pasian in kei tungah hong gen hih ahi hi: "Ka thangpaihna zu a dim hih hai ka khut panin la inla kong sawlna minam khempeuh dawnsak in.

¹⁶A dawn uh ciangin amau tungah ka sawl ding namsau hangin hoi duaiduai-in a hai ding uh hi." hong ci hi.

¹⁷Tua ciangin TOPA khut panin hai ka la a, ama hong sawlna minamte;

¹⁸Jerusalem le Judah khuapite, a kumpite le a uliante kisia-in tuni dong simmawh linhah le hamsiatna a suak uh hi;

¹⁹Egypt kumpipa Pharaoh, a nasemte, a uliante le a mite khempeuh,

²⁰le tua lai-a gamdang mi khempeuh; Uz kumpite khempeuh, Philistia kumpite khempeuh (Ashkelon, Gaza, Ekron khua-ate, le Ashdod a kinusia mite);

²¹Edom Moab le Ammon;

²²Tyre le Sidon kumpite khempeuh; tuipi dunga kumpite;

²³Dedan, Tema, Buz le a gamla munate khempeuh; c[52]

²⁴Arabia kumpite khempeuh le sehnel-gama teng gamdangte’ kumpite khempeuh;

²⁵Zimri, Elam le Media kumpite khempeuh

²⁶le a nai a gamla-a om leilu-lam kumpite khempeuh - lei mai tanga kumpi gamte khempeuh khat khit khat ka dawnsak hi. Amaute khempeuh khit ciangin Sheshach d[53] kumpipa in zong a dawn hi.

²⁷Tua ciangin amaute tungah, "Israel Pasian Thahatpen TOPA thugen hih ahi hi: Note laka kong khah ding namsau hangin dawn-in, kham unla lua-in tuk unla tho kik zo nawn kei un, ci hi’ ci-in gen in.

²⁸Ahi hangin amaute in na khuta hai hong sang nuam loin a dawn nop kei uh leh, ‘Thahatpen TOPA gen hih ahi hi: Na dawn pelmawh uh kul hi!

²⁹En in, ka mina kilo khuapi tungah gimna ka tungsak ta hi, dan thuak loin om ding na hi uh hiam? Leitunga tengte khempeuh tunga tung dingin namsau sam ka hi manin dan thuak loin na om kei ding uh hi.’ Thahatpen TOPA in ci hi.

³⁰"Tu-in amaute tungah hih thugen kholhna khempeuh gen in: "‘A sangna mun panin TOPA hawkin; a tenna mun siangtho panin kektang khiat dinga nakpitakin a gam a hawksan ding hi. Amah lenggah cilte bangin awng dinga, leitunga teng khempeuh a otsan ding hi.

³¹Minamte langah TOPA pang ahi manin ama awging in leimongte dong a thawn hi; amah in mihing khempeuh tungah thu khen dinga migilote namsau a thuaksak ding hi,’ ci in," TOPA in a ci hi.

³²Hih in Thahatpen TOPA gen ahi hi: "En un! Minam khat pan minam khat tungah siatna kizel ta hi; Leimongte panin huihpi khauh in nuaigawp ta hi,"

³³Tua hun ciangin TOPA thahte leimong khat pan mong khat - mun khempeuh ah a om ding hi. Amaute kikah loin kikaikhawm lo dinga a kivui kei ding hi; leitungah a ki-ek nusiat ding hi.

³⁴No tuucingte aw, kap unla tau un; no tuuhon mapite aw, leivui lakah kikhuk un. Ahang in, note hong kigawt ding hun tungta hi; note pukin bel hoih kimlai a kitamzan na bang ding uh hi.

³⁵Tuucingte tai nading mun khat beek om lo dinga, tuuhon mapite a suahtak nading mun a om kei ding hi.

³⁶Amaute lonona mun TOPA in susia ahi manin tuucingte kahna le tuuhon mapite thumna za un.

³⁷TOPA hehluatna hangin a nopci lonona pawnte kisiacip ding hi.

³⁸A nengniampa namsau a[54] le TOPA hehluatna hangin humpi in a kua a nusiat bangin amah in nusia dinga, a gam uh gam simtham a suak ding hi.