Read Zokam Jeremiah 31 Bible Online

Jeremiah 31 - Zokam bible

Jeremiah 31

¹"Tua hun ciangin Israel bawng’te khempeuh Pasian ka hi dinga, amaute ka mi a hi ding uh hi," TOPA in cikhia hi.

²Hih in TOPA gen ahi hi: "Namsau-a kithat lo sunte, sehnel-gam ah ki-angvan dinga; Israel ka tawlngasak ding hi," a ci hi.

³A beisa a[62] hunin eite tungah TOPA hong kilang a: "Keimah in tawntung itna in nang kong it a, a migi itna in nang kong kai zo hi.

⁴Nungak bit Israel aw, nang kong lam kik dinga, nang na kilampha ding hi. Na khuangte kuah kikin gualnuama lam dingin na kuan ding hi.

⁵Samaria mualneute tungah lenggui na suan kik dinga, lokhote in tuate suanin a gah ne-in nuam a sa ding uh hi.

⁶Ephraim mualte tungpan in galvilte in, ‘Hong pai un eite Pasian, TOPA kiang Zion ah paito ni,’ ci-a a kiko hun uh hong tung ding hi," a ci hi.

⁷Hih in TOPA gen ahi hi: "Jacob adingin lungdamin la sa un; minamte lakah a madawkpen adingin kiko un. Na phatna uh kiza henla, ‘TOPA aw, a baanglai na mi Israel-te honkhia in,’ ci un.

⁸En un, leilulam panin kongpuak dinga, lei mongte panin kong kailkawm ding hi. Amaute lakah mittaw le khebaite, nupi gai lai le numei nausuak kuante kihel ding uh hi; mihon tampi hong ciah kik ding uh hi.

⁹Amaute kap kawmin hong pai ding uh a; amaute ka puak kik kawmin thu a ngen ding uh hi. Tui omna lui gei-ah amaute ka pi dinga lam sialsa totpihin amaute a tuk kei ding uh hi; bang hang hiam cih leh Israel-te’ pa ka hi a, Ephraim ka tapa upapen ahi hi.

¹⁰"Minamte aw, TOPA kammal za unla, tuipi gei gamlapi ah tangko un: ‘Israel a thehthangpa in amaute kaikhawm kik dinga, tuucingpa in a tuuhonte a cin bangin a cing ding hi,’ ci un.

¹¹Ahang in, TOPA in Jacob tatman pia dinga, amaute sanga hatzawte khut panin a tankhia ding hi.

¹²Amaute hong pai ding uh a, Zion asannate tungah lungnuamin kiko ding uh hi; amaute TOPA nopsakna - buh, zuthak le sathau, tuuno, bawngnote hangin nuam a sa ding uh hi. Amaute hoihtakin tui kibuak huan tawh kibang ding uh a, a dah kik nawn kei ding uh hi.

¹³Tua ciangin nungakte lam ding uh a, tangvalte le uhamte in a kibangin nuam a sa ding uh hi. Amaute thumna, nuamna ka suaksak dinga; amaute hehnemin a dahna tangun amaute ka lungnuamsak ding hi.

¹⁴Siampite cinghtakin ka taisak dinga, ka mite ka hauhna tawh a dim ding uh hi," TOPA in cikhia hi.

¹⁵Hih in TOPA gen ahi hi: "Ramah gamah kahna le nakpi-a mauna kiza hi. Rachel in a tate a kahkah hangin khat beek om nawn lo ahi manin kihehnem zo lo hi," a ci hi.

¹⁶Hih in TOPA gen ahi hi: "Na sepna uh hangin pahtakman hong kipia ding ahi manin kap nawn kei unla na khitui uh nul un," TOPA in cikhia hi. "Galgam panin amaute hong ciah kik ding uh hi.

¹⁷Tua ahi ciangin mailam ah note adingin lametna a om hi," TOPA in cikhia hi. "Na tate uh amau gamah ciah kik ding uh hi.

¹⁸"Ephraim thumna ka za khin a: ‘Nang in bawngno sinloh bangin kei nong seka, kei ka kisekta hi. Nang, ka TOPA ka Pasian na hi manin a ngei hong bangsak in, kong ciah kik ding hi.

¹⁹Ka lampial nungin ka kisik hi; ka theihtel nungin ka awm ka tum hi. Ka neu lai-a ka maimawlna teng thuak ka hi manin ka maizumin ka maimawl hi.

²⁰Ka it ka tapa Ephraim aw, ka lungkimna ta hi lo na hi hiam? Amah ka langgen zongin ka phawk veve hi. Tua ahi ciangin ama ading ka deihsak lua a; amah ka khuatuahna lian mahmah hi," TOPA in cikhia hi.

²¹"Lamlahnate phut inla; lamlak khuamte posak in. Na va paina lam lianpi ciamteh in. Nungakbit Israel aw, hong ciah kik in; na khuapite ah hong ciah kik in.

²²A muanhuai lo tanu aw, bang tanvei vakvak lai ding na hi hiam? TOPA in leitungah na thak khat piangsak ding a - numei khat in pasal khat a umcih ding hi," a[63] a ci hi.

²³Hih in Thahatpen TOPA Israel Pasian gen ahi hi: "Amaute saltanna b[64] pan ka suahtaksak kik ciangin, Judah gam le a khuapite a om mite in, ‘Thumaan a tenna aw, Mual siangtho aw, TOPA in nang thupha hong pia hi, a cih kammal a zang kik ding uh hi,’ ci hi.

²⁴Judah gam le a khuapite ah - lokhote le a tuuhonte uh tawh a vak kawikawite tengkhawm ding uh hi.

²⁵A gimte ka tawldamsak dinga, a bahte an khamtakin ka vak ding hi," a ci hi.

²⁶Tua laitakin ka khanglo a ka kim ka pam ka khuadak hi. Ka ihmut a nuam mahmah hi.

²⁷TOPA in cikhia hi, "Israel innkuan le Judah innkuan ah mihing le ganhing suan le khak ka suan hun hong tung ding hi.

²⁸Amaute ka en dinga, ka bawhkhiatna, ka balzanna, lawnkhia in, susia-a gimna ka thuaksak bang tektek in amaute ka en dinga, lam kikin ka suanpha ding hi," TOPA in cikhia hi.

²⁹Tua ni ciangin mite in, ‘A pa lenggah thuk nek a ta’ ha kim hi’ ci nawn lo ding uh hi.

³⁰Tua sangsikin mi khempeuh amau mawhna hangin a siciat ding uh hi; lenggah thuk a nete - a ma ha mah a kim ding hi.

³¹TOPA in cikhia hi, "Kei mahmah in Israel innkuante le Judah innkuante tawh thukhun thak ka bawl hun hong tung ding hi.

³²Tua ciangin a pu a pate a khutuah lenin Egypt panin ka paikhiatpih lai-a amaute tawh ka bawl thukhun bang ahi kei ding hi; bang hang hiam cih leh amaute c[65] pasal d[66] ka hih hangin ka thukhun a palsat uh hi," TOPA in cikhia hi.

³³"Hih in tua hun khit cianga Israel innkuante tawh ka bawl ding thukhun ahi hi," TOPA in cikhia hi. "Amaute lungsim ah ka thukham ka koih dinga, amaute lungtang tungah ka gelh ding hi. Amaute Pasian ka hi dinga, amaute ka mi hi ding uh hi.

³⁴Kuamah in a vengte ahi zongin a sanggampa ahi zongin hilhin, ‘TOPA thei in’ a ci nawn kei ding hi; bang hang hiam cih leh amaute in a neupen pan a lianpen dongin kei hong thei ta ding uh hi,’ TOPA in ci hi. Ahang in, amaute gitlohnate ka maisak dinga, amawhnate uh ka ciamteh nawn kei ding hi," a ci hi.

³⁵Hih in TOPA gen ahi hi, suna ni a tangsak amah hi a, zanin kha le aksite a tan nadingin thupia-in tuipi hualte a hawk nadingin a lokpa - a min Thahatpen TOPA ahi hi.

³⁶"Hih thukipte ka muhna pan a man ciangin Israel suante a minam panun ka mai-ah a mang pan bek ding uh hi," TOPA in cikhia hi.

³⁷Hih in TOPA gen ahi hi: "Tunga om vante a kiteh theih ciang leh leitung bulpi a kizonkhiat theih ciang bekin amau gamtatnasate hangin Israel suante khempeuh ka nial pan ding hi," TOPA in cikhia hi.

³⁸TOPA in cikhia hi, "Kei adingin hih khuapi Hananel Tausang panin Kiu Kongpi dong a kilam phat hun hong tung ding hi.

³⁹Tua lai panin Gareb mual lamah tangtakin kiteh to dinga, tuateh Goah lamah a kihei ding hi.

⁴⁰Misiluangte le vut kipaihna kuam buppi le Kidron Kuam a locial khempeuh Sakol Kongpi kiu ciang dong TOPA adingin munsiangtho ahi ding hi. Tua khuapi cikmah hunin kisusia loin a kisuankhia ngei nawn kei ding hi."