Read Zokam Jeremiah 37 Bible Online

Jeremiah 37 - Zokam bible

Jeremiah 37

¹Babylon kumpipa Nebuchadnezzar in Judah kumpi in Josiah tapa Zedekiah koih a; amah Jehoiakim tapa Jehoiachin a[78] munah kumpi a suak hi.

²Amah ahi a, a masemte ahi a, a gam mite ahi zongin TOPA in kamsangpa Jeremiah tungtawna a gen thute a thusim khat beek a om kei uh hi.

³Bangbang ahi zongin kumpipa Zedekiah in kamsangpa Jeremiah kiangah Shelemiah tapa Jehucal le Maaseiah tapa siampipa Zephaniah sawla: "Hong hehpihna-in ka Pasian uh TOPA tungah kote adingin thu hong ngetsak hen," a cisak hi.

⁴Tu in Jeremiah thong kia nai lo ahi manin mite lakah a ututin a vak thei hi.

⁵Pharaoh galkapte Egypt panin a kuankhiatna thu Jerusalem umcih a om Babylon mite b[79] in a zak uh ciangin Jerusalem pan a nung kik uh hi.

⁶Tua ciangin kamsangpa Jeremiah tungah TOPA thu tunga:

⁷"Hih in TOPA Israel Pasian gen ahi hi: Kei tungah thu dong dinga hong sawl Judah kumpipa kiangah, ‘Nang hong luh dinga hong kuan Pharaoh galkapte amau gam Egypt ah a ciah kik ding uh hi.

⁸Tua ciangin Babylon mite hong kileh kikin hih khuapi hong sim ding uh a, amaute in la-in mei-in a haltum ding uh hi,’ ci hi.

⁹TOPA thugen hih ahi hi: Nang le nang kikhemin, ‘Babylon mite in hong nusia taktak ding hi,’ ci-in ngaihsun kha kei in. Hong nusia lo ding uh hi!

¹⁰Note in hong sim Babylon c[80] galkapte zo lua kisa-in a puanbuk sunguah a liam teng bek na nusia zawzen uh zongin hong paikhia-in hih khuapi a haltum veve ding uh hi," a ci hi.

¹¹Pharaoh galkapte hangin Babylon galkapte Jerusalem pan a nung kik khit uh ciangin

¹²Benjamin gama mite lakah ama neihsa a tanh ding teng la dingin khuapi nusia-in tua gamah Jeremiah a pai hi.

¹³Ahi hangin Benjamin kongpi a tun ciangin kong cing ukpipa Hananiah tapa Shelemiah tapa Irijah min neipa in amah na mana, "Nang Babylon mite lama taisim ding na hi hi!" a ci hi.

¹⁴Jeremiah in, "Na thugen amaan kei hi, kei Babylon mite kiangah ka taisim kei hi," a ci hi. Ahi hangin Irijah in a thugen ngai lo a; tua sangsikin Jeremiah manin uliante kiangah a puak hi.

¹⁵Amaute Jeremiah tungah hehin sat uh a, thong inn dinga a zat uh thuvanpipa Jonathan inn sungah a khum uh hi.

¹⁶Leihawm thong inn-a deih tuamno sungah Jeremiah kikhum a, tua lai-ah sawt veipi a om hi.

¹⁷Tua ciangin kumpipa Zedekiah in a kumpi inn ah a paipih dingun vaikhak a, tua lai-ah amah guakin, "TOPA tung pan thu khatpeuh a om hiam?" ci-in a dong hi. Jeremiah in, "Om mah, Babylon kumpipa tungah nang hong kipia ding hi," ci-in a dawng hi.

¹⁸Tua ciangin Jeremiah in kumpipa Zedekiah kiangah, "Kei thong sunga nong khum nadingin nang na hi a, na uliante ahi hih mite tungah ahi zongin bang mawhna bawl ka hi hiam?

¹⁹Nang tungah thu hong gena, ‘Babylon kumpipa in nang ahikeh hih gam hong sim lo ding hi,’ a ci na kamsangte koi-ah om ahi hiam?

²⁰Ahi hangin tu-in ka topa kumpipa aw, ka thugen na ngaihsak in. Nang mai-ah ka deihna thu hong sungsak in: Thuvanpipa Jonathan inn ah hong puak kik kei in; nong puak kik leh tua lai-ah ka si ding hi," a ci hi.

²¹Tua ciangin kumpipa Zedekiah in huang sunga a kicing munah Jeremiah koih a, kongzinga anlum emte in khuapi sunga anlum a bei mateng nisimin a puak dingun thu a pia hi. Tua ciangin huang sunga a kicinna munah Jeremiah a omsuak hi.