Read Zokam Jeremiah 39 Bible Online

Jeremiah 39 - Zokam bible

Jeremiah 39

¹Hih in Jerusalem kilakzia ahi hi: Judah kumpipa Zedekiah kumpi a suah zawh a kum kuana a kha sawmna kha-in Babylon kumpipa Nebuchadnezzar a galkap khempeuh tawh kuana Jerusalem a umcih hi.

²Zedekiah kumpi a suah zawh a kum sawm le khatna a kha lina a ni kuana ni-in khuapi kulh kitovang hi.

³Tua ciangin Babylon kumpipa uliante khempeuh Samgar a Nergal-Sharezer, galkap mang lianpen Nebo-Sarsekim b[86], ulianpi khat Nergal-Sharezer le Babylon kumpipa ulian dangte khempeuh in Kongpi Laita-a tutnate a luah uh hi.

⁴Judah kumpipa Zedekiah le galkap khempeuh in amaute a muh uh ciangin taimang uh a, amaute in kumpipa huan lampi tawnin khuapi nusia-in tai-in kulh nih kikala kongpi tawnin Arabah c[87] lam a manawh uh hi.

⁵Ahi hangin Babylon d[88] galkapte in nungdelh uh a Jericho zanglei ah Zedekiah a pha uh hi. Amaute in amah man in, Hamath gam Riblah a om Babylon kumpipa Nebuchadnezzar kiangah puak uh a, tua lai-ah ama thu kikhen hi.

⁶Babylon kumpipa in tua Riblah phual ah Zedekiah muhin a tate tawl-atsak a, Judah gam-ukte khempeuh zong a that hi.

⁷Tua ciangin Zedekiah mittangte khelkhiatsak a, sumngo kol bulhin Babylon ah a paipih uh hi.

⁸Babylon mite e[89] in kumpi inn le khuamite innte halsak uh a, Jerusalem kulhte a phelkhiamang uh hi.

⁹Kumpi cing galkap mangpa Nebuzaradan in khuapi sunga a omlai mite, amah beela a tai mite le a omlai mi khempeuh tawh Babylon ah salin a kai hi.

¹⁰Ahi hangin kumpi cing galkap mangpa Nebuzaradan in Judah gamah bangmah a nei lo mizawng pawlkhat nusia a; tua lai-ah lenggui huante le lote a pia hi.

¹¹Tu-in Babylon kumpipa Nebuchadnezzar in Jeremiah tawh kisai-in kumpi cing galkap mangpa Nebu-zaradan tungtawnin hih bangin thu a pia hi:

¹²"Amah la unla kem un; amah liamsuah kei unla hong nget peuhpeuh hihsak un," a ci hi.

¹³Kumpi cing galkap mangpa Nebuzaradan tawh galkap mangpipa Nebushazban, ulianpipa Nergal - Sharezer le Babylon kumpipa ulian dangte khempeuh in

¹⁴vaikhak uh a, huang sunga a kicinna mun panin Jeremiah a lakhia uh hi. Amaute in Shaphan tapa Ahikam tapa Gedaliah, tungah a inn-a a puak kik dingin a ap uh hi. Tua ciangin a mipihte lakah a om hi.

¹⁵Huang sunga a kicinna munah Jeremiah thong a kiat laitakin ama tungah TOPA thu tunga:

¹⁶"Pai inla Cush-te Ebed - Melech kiangah, ‘Hih in Israel Pasian Thahatpen TOPA gen ahi hi: Hih khuapi tungah ka tunsak dinga ka gensa phatna hi lo siatnate ka tangtungsak ta ding hi. Tua hun ciangin na mitmuh in a tangtung ding hi.

¹⁷Ahi hangin tua ni ciangin nang kong hu ding hi,’ TOPA in cikhia a; na kihtak mite tungah hong kipia kei ding hi.

¹⁸Nang kong honkhia dinga; namsau-in na si kei dinga na nuntakna na suahtak ding hi, bang hang hiam cih leh kei nong muang hi, TOPA in cikhia hi,’ ci in," a ci hi.