Read Zokam Jeremiah 41 Bible Online

Jeremiah 41 - Zokam bible

Jeremiah 41

¹A kha sagihna kha-in kumpi sisan ahi, kumpi ulian zong ahisa Elishama tapa Nethaniah tapa Ishmael, mi sawm tawh Mizpah a Ahikam tapa Gedaliah kiangah a pai uh hi. Tua lai-ah amaute in an a nek laitakun,

²Nethaniah tapa Ishmael le amah tawh a om khawm mi sawmte dingto uh a, Shaphan tapa Ahikam tapa Gedaliah namsau in sattukin, Babylon kumpipa in tua gam uk dinga a koihpa a that uh hi.

³Ishmael in Mizpah a Gedaliah ompih Jew-te le tua lai-a om Babylon c[93] mi a galkapte khempeuh tawh a that khawm hi.

⁴Gedaliah a kimuansuam khit kuama theih ma-in

⁵Shechem, Shiloh le Samaria panin mi sawmgiat, khamul metsa, puan balkeksa le amau pumpi kikuikeksa in an-a biakna le gimnamtui kengin TOPA inn ah a pai uh hi.

⁶Nethaniah tapa Ishmael zong amaute dawntuah dingin kap kawmin a paikhia hi. Amaute tawh a kituah ciangin, "Ahikam tapa Gedaliah kiangah hong pai un," a ci hi.

⁷Amaute khuapi sung a tun uh ciangin Nethaniah tapa Ishmael le ama ompihte in golum uh a, tuidum sungah a pai uh hi.

⁸Ahi hangin amaute lakah mi sawm in Ishmael kiangah, "Kote hong that kei ve! Kote in mangbuh, mangbuh-ham, sathau le khuaizu, lo sung khata ka sel uh ka nei uh hi," a ci uh hi. Tua ciangin amaute teng kia a lawmte uh tawh a that khawm kei uh hi.

⁹Tu-in ama thahsa khempeuh le Gedaliah a paihkhawmna tuidum pen Kumpipa Asa in Israel kumpipa Baasha a nan nadingin a bawl ahi hi. Nethaniah tapa Ishmael in tua sung misiluang a dimsak hi.

¹⁰Mizpah a, a omlai mite - tua lai-a a kinusia kumpipa tanute le a dangte, kumpi cing galkap mangpa Nebuzaradan in Ahikam tapa Gedaliah uk dinga a piakte khempeuh tawh Ishmael in salin a kai hi. Nethaniah tapa Ishmael in amaute salin kai-a Ammon-te omna lamah a paikhiatpih hi.

¹¹Kareah tapa Johanan le a ompih galkap mangte khempeuh in Nethaniah tapa Ishmael bawlsa mawhna a zak uh ciangin

¹²a mite khempeuh uh tonpih in Nethaniah tapa sim dingin a kuan uh hi. Amaute in Gibeon tuikhukpi gei-ah a pha uh hi.

¹³Ishmael tonpih mite khempeuh in Kareah tapa Johanan le a galkap mangte a tonkhawm a muh uh ciangin a nuam uh hi.

¹⁴Ismael in Mizpah pana sal-a a kaihte khempeuh kileh hei-in Kareah tapa Johanan lam a manawh uh hi.

¹⁵Ahi hangin Nethaniah tapa Ishmael le a mite giat Johanan khut panin suakta uh a, Ammon mite lamah a tai uh hi.

¹⁶Tua ciangin Kareah tapa Johanan le a tonpih galkap mangte khempeuh Nethaniah tapa Ishmael in Mizpah a Ahikam tapa Gedaliah a muansuam khit cianga mana a paikhiatpih: galkapte, numeite, naupangte le zum nasem uliante khempeuh Gibeon pan a ciahpih kik hi.

¹⁷Amaute Egypt zuanin pai uh a, Babylon mite d[94] khut pan a suahtak nadingun Bethlehem gei Geruth Kimham ah a khawl uh hi.

¹⁸Babylon kumpite in tua gam uk dinga a koih Ahikam tapa Gedaliah, Nathaniah tapa Ishmael in that ahi manin amaute in a kihta uh ahi hi.