Read Zokam Jeremiah 49 Bible Online

Jeremiah 49 - Zokam bible

Jeremiah 49

¹ Ammon-te tawh kisai-in: TOPA gen hih ahi hi: "Israel in tapate nei lo hiam? Innluah ding nei lo ahi hiam? Tua ahileh bang hangin Molech b[115] in Gad neihsa laksak ahi hiam? Bang hangin a mite, a khuapi ah teng uh ahi hiam?

²Ahi hangin TOPA in genkhia hi, "Ammon-te tenna Rabbah a kisim nading aw ka ginsak hun hong tung dinga; na kisiasate mualvum suakin a kimkota khuaneute mei-in kihal ding hi. Tua ciangin Israel-te in amau a hawlkhiate a hawlkhia ding uh hi," TOPA in ci hi.

³"Ai kisia ta hi! Heshbon aw, kap in. Rabbah a tengte aw, kapkhia un! Ippi puan silhin thum unla; Molech, ama siampite le a ulainte tawh salin kikaikhawm ding ahi manin kulhte sung tengah taisuk taito un.

⁴Bang hangin na mualkuam zangte uh, an tampi pianna mualkuam zangte kisaktheihpih na hi uh hiam? A muanhuai lo tanu aw, nang in na hauhnate muangin, ‘Kua in hong sim ding hiam?’ na ci hi.

⁵Na kimkota omte tung panin nang tungah launa kong tungsak ding hi," Topa, Thahatpen TOPA in cikhia hi. "Note na vekun hong kinawhkhia mang dinga kuamah in galtaite a kaikhawm kei ding hi.

⁶"Tua hi napi tua khit mailam hunah Ammon mite angei ka bangsak ding hi," TOPA in cikhia hi.

⁷Edom tawh kisai-in: Hih in Thahatpen TOPA gen ahi hi: "Teman ah pilna om nawn lo ahi hiam? Thudotte in a ngaihsut siamna uh mangsak ta uh ahi hiam? A pilna uh muat ta ahi hiam?

⁸Esau ka tuahsak hun ciangin ama tungah gimna tungsak ding ka hi manin, no Dedan a tengte aw, lehtai unla suanghawm thukpi-ah bu un.

⁹Lenggah lo mite no kiangah hong pai uh leh lenggah tawmkha beek nusia lo ding uh ahi hiam? Zanin gutate hong pai leh amau deihzah bek gu ding uh hilo ahi hiam?

¹⁰Ahi hangin Esau ka vunhawktol dinga, amah le amah a kisel theihloh nadingin a bukna munte ka lemkhia ding hi. A tate, a kinaipihte le a vengte mangthang dinga, amah zong a om nawn kei ding hi.

¹¹Na tagahte nusia-in amau nuntakna ka hu ding hi. Na meigongte un zong kei hong muang thei uh hi," a ci hi.

¹²Hih in TOPA gen ahi hi: "Dan thuakna hai a dawn lo dinga kilawmte nangawn in pello-a dawn ding ahileh bang hangin nang in dan tuak loin om thei ding na hi hiam? Dan thuak loin na om kei dinga na dawn pelmawh ding hi."

¹³TOPA in cikhia hi, "Kei le kei ka kiciama, Bozrah kisia dinga a kilipkhap, a kisimmawh le a kihamsiat suakin a khuapite a kisia den ding hi," a ci hi.

¹⁴TOPA tung pan thupuak ka za khina: Minamte kiangah thupuak khat kisawlin, "Gal do dingin no le no kikaikhawm un! Gal sim dingin ding un!" kicisak hi.

¹⁵"Tu-in minamte lakah kong neusek dinga, mite lakah kong kisimmawhsak ding hi.

¹⁶No suangpi henga tengte, mualsangte tung a luahte aw, a lauhuai na ngaihsut lianpi uh le na lungsim kisaktheihna un no hong khem hi. Muvanlai aa zah-a sangin na bu na tom hangin tua lai panin nang kong kaikhiasuk ding hi," TOPA in cikhia hi.

¹⁷"Edom, mite lipkhap khat suak ding uh a; a tawnkha khempeuh in a liamnate khempeuh hangin mullitin a selpho ding uh hi.

¹⁸Sodom le Gomorrah a khuaveng khuapite tawh a kilotthal bangin tua lai-ah kuamah teng loin mihing ta a om kei ding hi" TOPA in ci hi.

¹⁹"Jordan gamphalak panin lono hoihna gamah humpinelkai a paikhiat toh bangin thakhatin a gam pan Edom ka delhkhia ding hi. Hih a ka sepsak ding kua ka teel ding hiam? Kei tawh a kibang kua hi a, kua in kei hong to ngam ding hiam? Tuateh kei langkhatah bang tuucingpa pang thei ding ahi hiam?" a ci hi.

²⁰Tua ahi ciangin TOPA in Edom tungah tunsak dingin a ngimsa; le Teman a tengte tungah tunsak a sawmte za in: A ganhon no neute kituahmangsak dinga; amaute hangin amah in amaute lonona mun a susiamang ding hi.

²¹Amaute pukna awging hangin leitung kiling dinga; amaute kah na in Tuipi San a[116] a thawn ding hi.

²²En un! Muvanlai khat sanglen toin Bozrah tungah a kha zalin a bawhsuk ding hi. Tua ni ciangin Edom galhangte lungsim, numei nausuak kuante lungsim bang ding hi.

²³Damascus tawh kisai-in: "Hamath le Arpad-te in thusia za uh ahi manin a lungsi uh hi. Amaute khawl hun a nei lo tuipi bangin b[117] a launa uh a kam thei kei hi.

²⁴Damascus-te thazaw uh a, tai ding a sawm uh hangin patauhna in gakcipa; numei nausuak nat bangin lunggimna le natna in amaute a man hi.

²⁵A minthang mahmahsa khuapi lian, ka lungkimna khuapi bang hangin kisusiacip ahi hiam?

²⁶A tangvalnote lamdungah tuk taktak ding uh a; a galkapte khempeuh sunin a kidaisak ding hi," Thahatpen TOPA in cikhia hi.

²⁷"Damascus kulhte mei-in ka hal dinga; tua in Ben-Hadad kulh muanhuaite a hultum ding hi," a ci hi.

²⁸Babylon kumpipa Nebuchadnezzar in a sim Kedar le Hazor kumpi gamte tawh kisai-in: TOPA gen hih ahi hi: "Dingin Kedar sim unla, nisuahna lam mite susia un.

²⁹A puanbukte uh le a tuuhonte uh kilaksak khin dinga; a niliimte uh a vante uh le a kala-ohte uh tawh kipuakkhiatsak ding hi. Mite in amaute otsan-in, ‘Na kim na pam uah launa!’ ci ding uh hi.

³⁰"Manlangin taimang un! Hazor a tengte aw, suanghawm thukpi sungah om un," TOPA in cikhia hi. "Babylon kumpipa Nebuchadnezzar in note langpan hong sawma; nang tungah sep ding khat a geel hi.

³¹"Ding unla kimuangtaka teng hithiat minam - kongpi ahi a, kalhna zawl ahi zongin a nei lo, amau kia bek a teng minam khat sim in," TOPA in cikhia hi.

³²A kala-ohte uh kikaihsak dinga, a bawnghon tampitakte uh a kiguk mangsak ding hi. Gamlapi muna a[118] omte huih lakah ka thehthang dinga, akim apam panun amaute tungah gimna ka tungsak ding hi," TOPA in cikhia hi.

³³Hazor, kinusia denin se-alte omna a suak ding hi. Tua lai-ah kuamah nungta lo dinga mihing peuhmah a teng kei ding hi.

³⁴Hih in Judah kumpipa Zedekiah kumpi a suah tunglama Elam tawh kisai kamsangpa Jeremiah tunga tung TOPA thu ahi hi.

³⁵Thahatpen TOPA gen hih ahi hi: "En un, Elam-te thahat napi a thalpeu uh ka kuaitan ding hi.

³⁶Keimah in Elam, van kiu lite panin huih lite ka mutsak dinga; huih lite in amaute thehthangin a kihawlkhia Elam-te tun lohna mun a om kei ding hi.

³⁷Amaute a that nuam a galte uh mai-ah Elam ka thehzak dinga; ka hehluatna hanga gimna nangawn amau tungah ka tungsak ding hi," TOPA in cikhia hi. Amaute a bei siang matengun namsau-in ka nungdelh ding hi.

³⁸Elam ah ka kumpi tokhom ka phut dinga, a kumpipa le a uliante ka susia ding hi," TOPA in cikhia hi.

³⁹"Tua hi napi mailam hun ciangin Elam a mailam hun angei ka bangsak ding hi," TOPA in cikhia hi.