Read Zokam Ezekiel 10 Bible Online

Ezekiel 10 - Zokam bible

Ezekiel 10

¹Ka en a, cherub-te lutung a van kuumpi tungsan ah sapphire a[17] a kibawl kumpi tokhom tawh a kibang khat ka mu hi.

²TOPA in saihadial puan silhpa kiangah, "Cherub-te nuaisan a lengpeite lakah pai in. Cherub-te pana mei-am na khut dimin pham inla khuapi tungah theh in," a ci hi. Ka vil gige leh amah a sungah a tum hi.

³Tua laitakin biakinnpi pualam ah cherub-te ding uh a, tua mipa a tum ciangin a tual sungnung teng dimin meiipi khat a kaii hi.

⁴Tua ciangin cherub-te tung lamah TOPA minthanna kahto a biakinnpi kong lamah a kikhin hi. Biakinnpi sung dimin meiipi kai-a, a tual khempeuh TOPA vang in a tan hi.

⁵Thahatpen b[18] Pasian a pau cianga awging kizak bangin cherub-te kha ging biakinnpi tual a puanung dongah kiza hi.

⁶TOPA in saihadial puan silhpa kiangah, "Lengpei-te lak le cherub-te lak panin mei la in," ci-a thu a piak ciangin mipa tumin lengpei gei-ah a ding hi.

⁷Tua ciangin cherub-te khat in amaute laka om mei a khutin a zamphei hi. Mei pawlkhat la-in saihadial puan silhpa khutah pia a, tuapa in sangin a paikhia hi.

⁸(Cherub-te kha nuai-ah mihing khut tawh a kibang khat kimu thei hi.)

⁹Ka et ciangin cherub-te pangah lengpei li, cherub khat pangah lengpei khat ciat ka mu hi. Tua a peite chrysolite suang bangin a tee hi.

¹⁰Tua lite a pianzia uh kibang kimin lengpei khat sunga pei dang khat a om tawh kibang hi.

¹¹Cherub-te a pai uh ciangin cherub-te maingatna lamlam, a pai nopna peuh ah pai thei hi; cherub-te paina zui-in a peite a kihei tuan c[19] kei hi. Cherub-te a pai nopna lamlam uh a maingatna peuhpeuh ah a pai kawmun kihei kul loin pai thei hi.

¹²A pumpi tung khempeuh uh a nunglam, a khutte, a khate uh le a pei lite tung khempeuh ah mittang bekbek a dim hi.

¹³A pei, "Pingpei kipumpei," a kicih ka za hi.

¹⁴Cherub-te khat in maitang li nei ciat in: maitang khat cherub maitang hi a, a nihna mihing maitang hi-in, a thumna humpinelkai maitang hi-a, a lina muvanlai maitang ahi hi.

¹⁵Tua ciangin cherub-te a tunglam ah a kilaam to hi. Hihte pen Kebar Gun gei-a ka muh a nungta ganhingte mah ahi hi.

¹⁶Cherub-te a tat uh ciangin a panga peite zong tanga, cherub-te lei pan kikhaangto dingin a kha a zak uh ciangin a peite in a omna lampang a lawi tuan kei hi.

¹⁷Cherub-te a khawl ciangin tuate zong a khawl uh hi; cherub-te a din uh leh amau tawh a ding khawm uh hi. Bang hang hiam cih leh amaute sungah a nungta ganhingte’ kha a om hi.

¹⁸Tua ciangin TOPA ’ minthanna in biakinnpi lutna nusia a, cherub-te omna tungah a khawl hi.

¹⁹Ka et gige laitakin cherub-te in a khate uh zaakin lei panin kaangkhia to uh a, a pei zong amaute tawh a pai hi. Amaute TOPA inn nisuahna lama lutna kongpi ah khawl uh a, Israel-te Pasian’ minthanna amau tungah a om hi.

²⁰Hihte Kebar Gun gei-a Israel’ Pasian nuai sana ka muhsa a nungta ganhingte hi-a amaute cherub-te a hilam ka thei hi.

²¹Amaute in maitang li, kha li le a kha nuai-uah mihing aa tawh kibang khutte a nei ciat uh hi.

²²Amaitang uh Kebar Gun gei-a ka muhsate tawh kisun hi. Amau mailam ah tangtakin a pai ciat uh hi.