Read Zokam Ezekiel 11 Bible Online

Ezekiel 11 - Zokam bible

Ezekiel 11

¹Tua ciangin Kha in kei hong domto a, TOPA’ inn nisuahna lam nga kongpi ah hong puak hi. Tua lai-a kongpi lutna ah mi sawmnih le nga a na om uh hi. Amaute lakah mite makai Azzur tapa Jaazaniah le Benaiah tapa Pelatiah ka mu hi.

²TOPA in kei kiangah, "Mihing tapa aw, hih mite, khuapi sungah a hoih lo geel a, gitloh nading a hanthawnte ahi uh hi.

³Amaute in, ‘Inn lam hun hi baih ta ding hilo ahi hiam? d[20] Khuapi sa-uina beel hi-a, eite sa i hi hi,’ ci uh hi.

⁴Tua ahi ciangin mihing tapa aw, amaute langah kamsang inla thu genkhol in," hong ci hi.

⁵Tua ciangin TOPA Kha kei tungah hong tungin ka gen ding hong gen a: "Hih in TOPA gen ahi hi: Na gen ding hih ahi hi, Israel innkuante aw, na lungsim ua na ngaihsutte uh ka thei khin hi.

⁶Khuapi sungah mi tampi na that uh a, a kong zingte misi tawh na kidimsak uh hi.

⁷Tua ahi ciangin hih in Thupipen TOPA gen ahi hi: Tua lai-a na paih uh misiluangte sa hi-in, khuapi a beel hi mah hi, ahi hangin note tua panin kong hawlkhia ding hi.

⁸Namsau na kihta uh hi, note langah namsau mah ka pangsak ding hi; Thupipen TOPA in cikhia hi.

⁹Khuapi panin kong hawlkhia dinga, gamdang mite khutah hong apin note dan kong tuaksak ding hi.

¹⁰Namsau-in na puk ding uh a, Israel gamgi ah thu kong khen ding hi. Tua ciangin keimah TOPA ka hilam na thei ding uh hi.

¹¹Hih khuapi no adingin beel hi loin no lah a sunga sa na hi kei ding uh hi. Israel gamgi ah note tungah thu kong khen ding hi.

¹²Tua ciangin keimah TOPA ka hilam nong thei ding uh hi, ahang in, ka thukipte le ka thukhamte na zui kei uh a tua sangsikin na kimkot ua minamte ngeinate na zui zaw uh hi," hong ci hi.

¹³Mailam thupiang ding ka gengen laitakin Benaiah tapa Pelatiah a si hi. Tua ciangin khupbawk sukin, "Kalasai, Thupipen TOPA! Israel a baanglaite susia khin ding na hi hiam?" ci-in nakpi-in ka kiko hi.

¹⁴TOPA thu kei tungah hong tunga,

¹⁵"Mihing tapa aw, na sanggamte - na sisan kinaipih a[21] na sanggamte le Israel innkuan buppi - tungah Jerusalem mite in, ‘Amaute b[22]TOPA tawh kigamla ta uh hi, hih leitang ei neih dingin hong kipia khin hi,’ a cih uh hih mite ahi hi.

¹⁶"Tua ahi ciangin gen in: ‘Hih in Thupipen TOPA gen ahi hi: Amaute , minamte lak gamlapi ah sawlkhia-in gam tuamtuam ah ka thehthang hangin a tuntunna uh gam ah tawlkhat sung amaute munsiangtho ka hi hi,’ ci hi.

¹⁷"Tua ahi ciangin: ‘Hih in Thupipen TOPA gen ahi hi: Minamte panin kong kaikhawm dinga, Israel gam kong pia kik ding hi, ci hi,’ ci-in gen in.

¹⁸"Amaute ciah kik ding uh a, a muhdahhuai milim kisungte le a kihhuai milimte a nilkhia ding uh hi.

¹⁹Amaute lungtang khat guanin ngaihsutna thak ka pia ding hi; amaute suang lungtang lakkhiatsakin satak lungtang ka guan ding hi.

²⁰Tua ciangin ka thukipte zui-in, ka thukhamte kidawmin a tang ding uh hi. Amaute ka mi hi ding uh a, keimah amaute Pasian ka hi ding hi.

²¹Ahi hangin a muhdahhuai milim kisungte le a kihhuai milimte tunga a lungsim ki-apte, amau gamtatsa tawh kizui-in a lutunguah ka tusak ding hi, Thupipen TOPA in kong cikhia hi," hong ci hi.

²²Tua ciangin a panga a pei om cherub-te in a kha uh zaak uh a, amaute tungsan ah Israel’ Pasian’ minthanna a om hi.

²³TOPA minthanna khuapi sung panin paito a, a nisuahna-lam mualtung sanah a khawl hi.

²⁴Kha in kei hong domto a, Pasian Kha in mang hong muh sakna sungah Babylon c[23] a saltangte kiangah hong puak hi. Tua ciangin ka muhsa mangmuhna kei kiangpan paito a,

²⁵saltangte kiangah TOPA hong lah khempeuh ka gen hi.