Read Zokam Ezekiel 19 Bible Online

Ezekiel 19 - Zokam bible

Ezekiel 19

¹"Israel uliante taamlawh inla:

²"Na nu uh humpinelkaite lakah humpinelkai pi a bang hi! Humpinelkai khanglaite lakah lumin a note khansuah hi.

³A note khat pantah a humpinelkai thahat khat a suak hi. A samatte balzan zia sinin mihing a ne hi.

⁴Minamte in a thu za uh a, a gum-uah awksak uh hi. Amaute in sikkawi-in kai uh a, Egypt gam tunpih uh hi.

⁵"‘Tuanu a lametna tangtung loin a sawmna a tun loh ciangin a no dangkhat pantah leuleu a, humpinelkai thahat khat a suah hi.

⁶Amah humpinelkai thahat hita ahi manin humpinelkaite lakah a vaksuk a vakto hi. A samatte balzanzia sinin mihing a ne hi.

⁷Amah in a kulh muanhuaite uh balkhamin a[39] a khuapite uh a sumaimang hi. Amah hawk a, gamsunga tengte khempeuh a lausak hi.

⁸Tua ciangin a kimkot panin amah do dingin minamte kuan uh hi. A lenthang uh zaak uh a, amaute’ gum sungah awksak uh hi.

⁹Amah sikkawi-in kai uh a, a bawm sungah khumin Babylon kumpipa kiangah puak uh hi. Amaute in thong sungah khum uh ahi manin Israel mualte tungah a hawk a kiza nawn kei hi.

¹⁰"‘Na nu uh na lenggui lo b[40] sungua tui gei-a kisuan lenggui tawh kibang hi. Tui kicingtakin ngah ahi manin a hiang pha mahmah a, gah mahmah hi.

¹¹A hiangte khauh a gam-ukpa ciangkhut dingin a hoih hi. A hiang tam mahmahin a teh pha mahmah a, a tunglamin khanga a sanna kilawm mahmah hi.

¹²Ahi hangin hehna tawh kizungbawh a, leilak kidenna hi. Nisuahna huih in nuaigawp a, agah a zutkhiamang hi; ahiang khauh teng keugaw-a, mei in a kangtum hi.

¹³Tu-in lei keuna, tui omlohna mun sehnel gamah kisuan hi.

¹⁴A hiang paipite c[41] khat panin mei kuanga, agah kangtum hi. Gam-ukte ciangkhut dinga hoih a hiang khauh a om nawn kei hi, ci in,’ Hih in tamlawhna khat hi-a, tamlawhna-a kizang ding khat ahi hi," hong ci hi.